Уладзімір Пуцін падпісаў указ аб прысваенні Акадэміі ФСБ імя Фелікса Дзяржынскага. Гэтае рашэнне фактычна вяртае галоўнай кузні кадраў расійскіх спецслужбаў савецкую назву, якую яна насіла да распаду СССР.
Згодна з дакументам, імя Дзяржынскага нададзена акадэміі за «выдатны ўклад у забеспячэнне дзяржаўнай бяспекі» самога Дзяржынскага і «заслугі асабовага складу» ўстановы.
Назва ў гонар Дзяржынскага не новая для гэтай навучальнай установы.
У 1962—1992 гг. установа называлася Вышэйшай школай КДБ імя Ф. Э. Дзяржынскага. У 1992 г. падчас дэмакратычных рэформ імя сімвала савецкіх рэпрэсій прыбралі, а школу пераўтварылі ў Акадэмію ФСБ.
Журналістка Фарыда Рустамава заўважае, што гэты ўказ — верагодна, першы выпадак, калі Пуцін на паперы дае станоўчую ацэнку асобе Дзяржынскага. Раней прэзідэнт РФ толькі выказваў шкадаванне наконт зносу помніка на Лубянцы ў 1991 годзе, але пазбягаў прамых дыфірамбаў кіраўніку ВЧК.
Цяпер чытаюць
Каледж хацеў засудзіць студэнта і спагнаць з яго 13 тысяч рублёў — але юнак даў адпор сістэме3
Каментары