У Бразіліі, на долю якой прыпадае каля 45% сусветнай вытворчасці кавы арабіка, проліўні сур'ёзна пашкодзілі ўраджай, піша Bloomberg.
У чэрвені і ліпені ў некаторых рэгіёнах краіны выпала 250—500% звычайнай для гэтага перыяду нормы ападкаў. З-за праліўных дажджоў збор кавы давялося адкласці. Прыкладна 20% ягад змыла з дрэў, а тыя, што засталіся, празмерна намоклі або заразіліся. У выніку кававыя зярняты могуць набыць застаялы і плесневы прысмак.
Пасля таго як ацалелы ўраджай усё ж сабралі і пачалі сушыць, прыйшла новая хваля залеў. Некаторым вытворцам давялося пачынаць працэс сушкі спачатку, што яшчэ больш пагоршыла якасць зерня.
Праблемы з пастаўкамі якаснай арабікі ўжо адбіваюцца на рынку і цэнах. Цяжкасці з фармаваннем якасных кававых сумесяў пачынаюць адчуваць нават буйныя сеткі і вытворцы, у тым ліку Starbucks, Luigi Lavazza і Ilycaffe.
Арабіка — найбольш распаўсюджаны від кавы: на яе прыпадае каля 60—70% сусветнай вытворчасці. У параўнанні з рабустай у арабіцы менш кафеіну, затое больш складаны смак, выражаная кіслінка і нярэдка фруктовыя або кветкавыя адценні.
Цяпер чытаюць
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2525
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі25
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю1010
Каментары