У Варшаве на наступным тыдні адчыніцца кніжная крама фонду «Камунікат»
У Цэнтры беларускай салідарнасці ў Варшаве адкрыецца кніжная крама фонду «Камунікат», пра гэта ЦБС паведаміў у сваім тэлеграм-канале, а таксама Яраслаў Іванюк у сваім фэйсбуку.
Сярод кніг, якія неўзабаве можна будзе набыць у ЦБС — «Імёны Свабоды» Уладзіміра Арлова, «Зэкамерон» Максіма Знака, «Ліквідацыя» Васіля Быкава ды інш.
Афіцыйнае адкрыццё крамы адбудзецца 29 красавіка а 17:30 па адрасе Oleandrów 6/2.
У цырымоніі адкрыцця возьмуць удзел Яраслаў Іванюк, пісьменнік Уладзімір Арлоў, а таксама прадстаўнікі іншых беларускіх выдавецтваў.
Фонд «Камунікат» быў заснаваны 26 гадоў таму. Спачатку гэта была інтэрнэт-бібліятэка. Яраслаў Іванюк сканаваў беларускія кнігі, газеты і часопісы і выкладаў гэта ў інтэрнэт.
Пасля падзей 2020 года Яраслаў стаў выдаваць беларускія кнігі, за пяць гадоў былі выдадзеныя некалькі дзясяткаў кніг.
Сам Яраслаў Іванюк актыўна ездзіць са сваімі кнігамі па Польшчы, краінах Балтыі, Чэхіі, Германіі і іншых краінах. Так на гэтым тыдні плануецца літаратурны тур паэткі Насты Кудасавай.
-
Ксёндз касцёла ў Жупранах грунтоўна адказаў на прэтэнзіі пра рамонт у храме, дзе пахаваны Багушэвіч
-
Уладзімір Някляеў з нагоды свайго 80‑годдзя напісаў сабе некралог — жартаўлівы і філасофскі
-
У Мінску зносяць міжваенную бальніцу працы французскага архітэктара. Знішчыць помнік дапамагалі два мясцовыя акадэмікі
Цяпер чытаюць
«За чатыры дні яе тройчы экстранна шпіталізавалі». Беларуска трапіла ў эміграцыйную турму ў ЗША пасля побытавай сваркі з партнёрам11
Каментары