U Varšavie na nastupnym tydni adčynicca knižnaja krama fondu «Kamunikat»
U Centry biełaruskaj salidarnaści ŭ Varšavie adkryjecca knižnaja krama fondu «Kamunikat», pra heta CBS paviedamiŭ u svaim telehram-kanale, a taksama Jarasłaŭ Ivaniuk u svaim fejsbuku.
Siarod knih, jakija nieŭzabavie možna budzie nabyć u CBS — «Imiony Svabody» Uładzimira Arłova, «Zekamieron» Maksima Znaka, «Likvidacyja» Vasila Bykava dy inš.
Aficyjnaje adkryćcio kramy adbudziecca 29 krasavika a 17:30 pa adrasie Oleandrów 6/2.
U cyrymonii adkryćcia voźmuć udzieł Jarasłaŭ Ivaniuk, piśmieńnik Uładzimir Arłoŭ, a taksama pradstaŭniki inšych biełaruskich vydaviectvaŭ.
Fond «Kamunikat» byŭ zasnavany 26 hadoŭ tamu. Spačatku heta była internet-biblijateka. Jarasłaŭ Ivaniuk skanavaŭ biełaruskija knihi, haziety i časopisy i vykładaŭ heta ŭ internet.
Paśla padziej 2020 hoda Jarasłaŭ staŭ vydavać biełaruskija knihi, za piać hadoŭ byli vydadzienyja niekalki dziasiatkaŭ knih.
Sam Jarasłaŭ Ivaniuk aktyŭna jeździć sa svaimi knihami pa Polščy, krainach Bałtyi, Čechii, Hiermanii i inšych krainach. Tak na hetym tydni płanujecca litaraturny tur paetki Nasty Kudasavaj.
Ciapier čytajuć
Błohier Siaroha z Rasii pryjechaŭ na Zybickuju z kachanaj błohierkaj Aniečkaj. Vynik: źbity im biełarus u komie, a Siaroha na 5,5 hoda za kratami32
Kamientary