Hałoŭnaje statystyčnaje ŭpraŭleńnie apublikavała dadzienyja ab zarobkach i zaniataści ŭ Polščy ŭ kastryčniku.
Pa źviestkach Hałoŭnaha statystyčnaha ŭpraŭleńnia, siaredni zarobak u siektary pradpryjemstvaŭ u kastryčniku skłaŭ 7544,98 złotych (heta b 1886 dalaraŭ), heta značyć na 12,8 pracenta vyšej, čym u anałahičny pieryjad minułaha hoda, piša Polskaje radyjo.
Najbolšy rost datyčycca haliny zdabyčy karysnych vykapniaŭ.
Ale heta zarobak «brudnymi», «čystymi» zarobak składzie prykładna 5281 złoty, abo 1320 dalaraŭ.
Dadzienyja Hałoŭnaha statystyčnaha ŭpraŭleńnia taksama pakazvajuć, što ŭ kastryčniku zaniataść u siektary pradpryjemstvaŭ u paraŭnańni z anałahičnym pieryjadam minułaha hoda źniziłasia na 0,1 pracenta. U minułym miesiacy ŭ im było amal 6,5 miljona štatnych pracoŭnych miescaŭ.
Dadzienyja datyčacca pradpryjemstvaŭ, dzie pracuje bolš za dzieviać čałaviek.
U Biełarusi ŭ vieraśni siaredni zarobak «brudnymi» skłaŭ 1939 rubloŭ i 80 kapiejek. Heta, kali ličyć pa siarednim kursie dalara za vierasień (3,2565) 596 dalaraŭ «brudnymi», i kala 512 dalaraŭ «čystymi». To-bok, u dva z pałovaj razy mienš, čym u Polščy.
Ciapier čytajuć
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii13
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie4040
Kamientary