Галоўнае статыстычнае ўпраўленне апублікавала дадзеныя аб заробках і занятасці ў Польшчы ў кастрычніку.
Па звестках Галоўнага статыстычнага ўпраўлення, сярэдні заробак у сектары прадпрыемстваў у кастрычніку склаў 7544,98 злотых (гэта б 1886 даляраў), гэта значыць на 12,8 працэнта вышэй, чым у аналагічны перыяд мінулага года, піша Польскае радыё.
Найбольшы рост датычыцца галіны здабычы карысных выкапняў.
Але гэта заробак «бруднымі», «чыстымі» заробак складзе прыкладна 5281 злоты, або 1320 даляраў.
Дадзеныя Галоўнага статыстычнага ўпраўлення таксама паказваюць, што ў кастрычніку занятасць у сектары прадпрыемстваў у параўнанні з аналагічным перыядам мінулага года знізілася на 0,1 працэнта. У мінулым месяцы ў ім было амаль 6,5 мільёна штатных працоўных месцаў.
Дадзеныя датычацца прадпрыемстваў, дзе працуе больш за дзевяць чалавек.
У Беларусі ў верасні сярэдні заробак «бруднымі» склаў 1939 рублёў і 80 капеек. Гэта, калі лічыць па сярэднім курсе даляра за верасень (3,2565) 596 даляраў «бруднымі», і каля 512 даляраў «чыстымі». То-бок, у два з паловай разы менш, чым у Польшчы.
Цяпер чытаюць
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў9
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў
Беларус-вахтавік на Ямале стварае песні на беларускай мове з дапамогай ШІ. «Раней музыка была закрытым клубам. Нейрасеткі адчынілі гэтыя дзверы з нагі»1919
Каментары