«Kolkaść miadźviedziaŭ hałapuje ŭ našaj krainie». Šunievič prapanavaŭ šlachi vyrašeńnia prablemy
Apošnim časam papulacyi buraha miadźviedzia i rysi ŭ Biełarusi pavialičylisia, razam z pavieličeńniem bijaraznastajnaści ŭ krainie ŭ cełym.
Staršynia Biełaruskaha tavarystva palaŭničych i rybałovaŭ (BTPR) Ihar Šunievič na sustrečy z Alaksandram Łukašenkam prapanavaŭ šlachi vyrašeńnia prablemy ź miadźviedziami, piša BiełTA.
Adnym z pytańniaŭ padčas sustrečy stała rehulavańnie kolkaści narmavanych vidaŭ palaŭničych žyvioł i žyvioł, jakija ŭvachodziać u Čyrvonuju knihu Biełarusi. «Usim viadomaja tema buraha miadźviedzia. Mienš viadomaja tema rysi, — adznačyŭ Ihar Šunievič. — My paviedamili svaje prapanovy ŭ hetaj častcy, nie prapanoŭvajučy ekstremalnych rečaŭ, zahadzia niepapularnych — ale rašeńni, jakija dyktuje samo žyćcio».
Apošnim časam papulacyi buraha miadźviedzia i rysi ŭ Biełarusi pavialičylisia razam z pavieličeńniem bijaraznastajnaści ŭ krainie ŭ cełym. «Razumnaje vykarystańnie hetych vidaŭ prapanavana ažyćciaŭlać šlacham rehulavańnia ich kolkaści, nie adkryvajučy palavańnia na ich. Heta značyć, tam, dzie zališniaja kolkaść buraha miadźviedzia i jon pieraškadžaje žyćciadziejnaści čałavieka, prapanavana adbirać niekatoruju kolkaść źviera dla taho, kab uraŭnavažyć, zrabić bałans pamiž intaresami čałavieka i žyvioł», — skazaŭ kiraŭnik BTPR.
Na ŭdakładnialnyja pytańni žurnalistaŭ pra sposaby Ihar Šunievič adkazaŭ: «Kolkaść miadźviedzia hałapuje ŭ nas u krainie. Jaho ŭžo bolš za 700 (asobin) dakładna, choć hadoŭ dvaccać tamu było 150.
Naša zadača — atrymać dakładnaje razumieńnie ad našaj navukovaj hramadskaści, jakaja aptymalnaja kolkaść miadźviedzia pavinna być na našaj terytoryi, jakaja dazvoliła b nam adkryvać na jaho palavańnie. Pakolki hetaja aptymalnaja kolkaść siońnia nie vyviedziena, my kažam: davajcie my budziem rehulavać kolkaść tam, dzie jaho vielmi šmat, zalimitava šmat, dzie jon pieraškadžaje žyć».
Ihar Šunievič padkreśliŭ, što na hetym etapie havorka idzie tolki ab rehulavańni kolkaści: «Heta nie značyć, što my adkryjem palavańnie. Heta čyrvanaknižnik».
«Ale kali jość jaho zališniaja kolkaść, treba peŭnuju kolkaść adstralać, asabliva prablemnych źviaroŭ, jakija zachodziać u nasielenyja punkty, na pčalniki, jakija ŭžo siońnia traŭmujuć ludziej», — pierakanany Ihar Šunievič.
Ciapier čytajuć
U harach Kyrhyzstana z drona adšukali cieły źnikłych biełaruskich alpinistaŭ8
Kamientary