Jak paviedamlaje HUUS Minharvykankama, 60‑hadovaj piensijaniercy patelefanavali łžemilicyjaniery i zajavili, što na jaje bankaŭski rachunak zaličana $13 tysiač. Kab nie mieć niepryjemnaściaŭ praz hetyja hrošy, joj paraili nikomu nie kazać pra toje, što zdaryłasia, i vykonvać instrukcyi.
Nieŭzabavie žančynie pastupiŭ jašče adzin zvanok ad nieviadomych, jakija ŭdakładnili, ci jość u jaje aščadžeńni. Atrymaŭšy admoŭny adkaz, surazmoŭcy zapatrabavali akazać pasłuhu: źjeździć pa paznačanym adrasie i zabrać hrošy ŭ inšaj piensijanierki, jakaja raniej pracavała ŭ pravaachoŭnych orhanach.
Zabraŭšy pa kodavym słovie «zima» 1000 rubloŭ, minčanka pa instrukcyi kurataraŭ naviedała niekalki handlovych centraŭ, dzie aformiła 21 sim-kartu. I tolki tady ŭśviadomiła, što stała achviaraj ašukancaŭ. Uziaŭšy ŭsie sim-karty i hrošy, jakija zastalisia, jana źviarnułasia ŭ milicyju.
Tam ustanavili, što hrošy žančynie pieradała piensijanierka, jakaja taksama trapiła na vudu ašukancaŭ.
Pa hetym fakcie pravodzicca pravierka. Hrošy kanfiskavanyja i buduć viernutyja ŭładalnicy.
Ad pryvatnikaŭ patrabujuć zavieści ideołaha ŭ štacie — raspytali, što robiać kampanii18
Kamientary