Prezident Čechii: Ukraina nie atrymlivaje vajennaj pieravahi, čas idzie na karyść RF
Prezident Čechii, były hienierał NATA Petr Paveł ličyć, što biahučaja situacyja na froncie nie śviedčyć ab tym, što Ukraina moža atrymać vajennuju pieravahu, a čas hulaje na karyść Rasii, jakaja maje bolš mocnuju mabilizacyjnuju bazu dla žyvoj siły. Pra heta jon zajaviŭ na kanfierencyi «Dypłamatyja i biaśpieka», piša «Jeŭrapiejskaja praŭda».
Češski prezident ličyć, što čas hulaje na karyść RF i što pieramovy mohuć pačacca ŭ nastupnym hodzie.
«Pieramovy mohuć pačacca ŭ nastupnym hodzie, pakolki raźvićcio padziej nie ŭkazvaje na toje, što ŭkrainski bok atrymaje vajennuju pieravahu. Čas zaraz hulaje na karyść Rasii, jakaja maje mocnuju mabilizacyjnuju bazu dla žyvoj siły. Vyjhraŭšy čas, jana taksama zmoža papoŭnić materyjalnuju bazu, jakoj joj daŭno nie chapała. My bačym masavyja pastaŭki z Paŭnočnaj Karei, my bačym sproby abyści sankcyi», — skazaŭ Petr Paveł.
Pa jahonych słovach, vidavočna, što Rasija sprabuje zaciahnuć kanflikt. Jon miarkuje, što jana taksama moža čakać vynikaŭ prezidenckich vybaraŭ u ZŠA ŭ nastupnym hodzie.
U toj samy čas Paveł pierakanany, što Zachad pavinien praciahvać padtrymlivać Ukrainu.
«Situacyja nie zjaŭlajecca adnaznačna stanoŭčaj. Stanoŭčym dla Ukrainy pavinna być toje, što my na ich baku i pavinny padtrymlivać ich u dasiahnieńni ich met. Sa svajho boku, u nas niama inšaha vybaru, akramia jak praciahvać akazvać padtrymku», — skazaŭ jon.
Jašče ŭ sakaviku były hienierał NATA Petr Paveł vykazvaŭ mierkavańnie, što dla Ukrainy «akno mahčymaściaŭ adkryta sioleta», što Ukraina pavinna vykarystoŭvać mahčymaść kontrnastupleńnia ŭ hetym hodzie, bo ŭ dalejšym atrymać dapamohu ad sajuźnikaŭ na novuju sprobu budzie nadzvyčaj składana.
Palitviaźniaŭ pa ŭsioj krainie apytvajuć: paśla pamiłavańnia vy chočacie zastacca ŭ Biełarusi ci źjazdžać?9
Palitviaźniaŭ pa ŭsioj krainie apytvajuć: paśla pamiłavańnia vy chočacie zastacca ŭ Biełarusi ci źjazdžać?
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary