Biełarusa zatrymali na pahranpierachodzie ŭ Breście: u jaho była birulka z «Pahoniaj»
«Pravioŭ masavaje mierapryjemstva — adzinočnaje pikietavańnie biez dazvołu Bresckaha harvykankama».
U Breście na pamiežnym punkcie propusku «Varšaŭski most» u siaredzinie kastryčnika zatrymali biełarusa, na sumcy jakoha zaŭvažyli bieł-čyrvona-biełuju birulku z hierbam «Pahonia». Pra heta stała viadoma z pastanovy suda Maskoŭskaha rajona Bresta, piša «Lusterka».
«Pravioŭ masavaje mierapryjemstva — adzinočnaje pikietavańnie biez dazvołu Bresckaha harvykankama šlacham raźmiaščeńnia na darožnaj sumcy birulki ź mietału žoŭtaha koleru z vyjavaj u vyhladzie «bieła-čyrvona-biełaha» ściaha z hierbam «Pahonia», jaki znachodzicca na im», — havorycca ŭ pratakole.
Sprava razhladałasia 16 kastryčnika. Sud pryznaŭ mužčynu vinavatym u parušeńni paradku praviadzieńnia masavych mierapryjemstvaŭ pa č. 1 art. 24.23 KoAP. Toj nie admaŭlaŭ vinu. U vyniku jamu pryznačyli štraf pamieram 30 bazavych vieličyniaŭ (1110 rubloŭ).
Ciapier čytajuć
U dzień, kali pamiłavali palitviaźnia Daronina, jahonaj žoncy prysudzili 8,5 hadoŭ kałonii za ŭdzieł u dvarovym čacie6
Kamientary