Беларуса затрымалі на пагранпераходзе ў Брэсце: у яго была бірулька з «Пагоняй»
«Правёў масавае мерапрыемства — адзіночнае пікетаванне без дазволу Брэсцкага гарвыканкама».
У Брэсце на памежным пункце пропуску «Варшаўскі мост» у сярэдзіне кастрычніка затрымалі беларуса, на сумцы якога заўважылі бел-чырвона-белую бірульку з гербам «Пагоня». Пра гэта стала вядома з пастановы суда Маскоўскага раёна Брэста, піша «Люстэрка».
«Правёў масавае мерапрыемства — адзіночнае пікетаванне без дазволу Брэсцкага гарвыканкама шляхам размяшчэння на дарожнай сумцы бірулькі з металу жоўтага колеру з выявай у выглядзе «бела-чырвона-белага» сцяга з гербам «Пагоня», які знаходзіцца на ім», — гаворыцца ў пратаколе.
Справа разглядалася 16 кастрычніка. Суд прызнаў мужчыну вінаватым у парушэнні парадку правядзення масавых мерапрыемстваў па ч. 1 арт. 24.23 КоАП. Той не адмаўляў віну. У выніку яму прызначылі штраф памерам 30 базавых велічыняў (1110 рублёў).
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра3232
Каментары