Nie tolki čaj ź limonam. 7 receptaŭ haračych i duchmianych vosieńskich napojaŭ
Na parozie chałodnaje, mokraje i vietranaje nadvorje. Voś niekalki napojaŭ, jakija razahrejuć u ciomnym listapadzie.
Ablapichavy čaj
- 3 st. łyžki ablapichi (śviežaj ci razmarožanaj)
- 500—700 mł vady
- pałova apielsina
- 1 sm korania imbiru
- 1 č. ł. miodu / siropu
- hvaździka pa žadańni
Źlohku razdušycie jahady ablapichi videlcam, pakładzicie ich u čajnik.
Kali ŭ čajnika dosyć šyrokaje horła, možna taŭčy prosta ŭ im, lepš draŭlanym taŭkačom.
Dadajcie narezany apielsin, kavałačak korania imbiru, hvaździku i miod. Zalicie ŭsio kipieniem i dajcie nastajacca 5 chvilin.
Čaj z hvaździkaj
- lubimy čaj
- 3-4 hvaździki
- kružok limona
- dolka apielsina
- pa žadańni: łyžka miodu
Nastojvajcie čaj 2-3 chviliny. Dadajcie astatnija składniki.
Lipavy čaj
- łyžka suchich kvietak lipy abo čajny pakiecik
- 1 stałovaja łyžka miodu
- malinavy sok
Nastojvajcie lipavy čaj 5—10 chvilin. Dadajcie miod i 2—3 stałovyja łyžki soku (u zaležnaści ad vašych pieravah).
Čaj łate
- čorny čaj: 3 stałovyja łyžki rassypnoha abo 3 pakieciki
- małako (karovina ci raślinnaje)
- drobka kardamonu, karycy, imbiru
- 1—2 stałovyja łyžki miodu abo imbirnaha siropu
Zakipiacicie vadu (kala šklanki), dadajcie čaj i śpiecyi, varycie jašče niekalki chvilin. Dadajcie małako, varycie jašče 3—4 chviliny. Pralicie skroź sita, dadajcie miod abo sirop.
Hustaja kakava ź finikami
- 2—3 čajnyja łyžki kakavy
- małako (karovina abo raślinnaje)
- 2—3 finiki
- ščopać karycy
Zakipiacicie małako, dadajcie kakavu, finiki i karycu. Hatujcie niekalki chvilin. Źnimicie z ahniu i pieralicie ŭ blendar. Źmiašajcie da adnastajnaha stanu.
Ź jabłykami
- lubimy čaj
- čverć jabłyka
- ščopać karycy
- pałova łyžki karyčnievaha cukru
- pa žadańni: trochi razynak
Zavarycie čaj i nastojvajcie jaho 2—3 chviliny. Vydalicie nasieńnie z kavałačka jabłyka, narežcie jaho łustačkami i dadajcie ŭ nastoj. Dadajcie ŭ čaj astatnija inhredyjenty.
Ź jabłykami i žuravinami
- 1 jabłyk
- paŭšklanki śviežych žuravin
- čajnaja łyžka karycy
- hvaździka — pa žadańni
Jabłyk narežcie kubikami i kińcie ŭ šklany zban razam z žuravinami. Zalicie zban kipieniem, dadajcie karycu i nastojvajcie 5 chvilin.
Hatovy napoj raźlicie pa kubkach, možna padsaładzić sałodkim siropam abo dadać hvaździku.
«Pieraapranuŭsia ŭ amapaŭca i dyryžyravaŭ čornaj dubinkaj». Adzin z zasnavalnikaŭ «Volnaha choru» — pra akcyi ŭ handlovych centrach u 2020‑m i pracu ŭ fiłarmonii ŭ Litvie55
Kamientary