Pjacie zašmat čaju? Tłumačym, jak heta moža vam naškodzić

Ci karysny čaj dla zdaroŭja?

Čaj vielmi papularny ŭ našaj kultury. Na praciahu stahodździaŭ jon paśpiachova vykarystoŭvajecca ŭ narodnaj miedycynie i ŭ jakaści prafiłaktyčnaha srodku. Navukoŭcy imknucca vyvučyć jaho ŭłaścivaści i paćvierdzić toje, što jon karysny, a jahonyja ekstrakty možna prymianiać u miedycynie, piša Onet.

Raślinnyja złučeńni ŭ čai mohuć ihrać rolu ŭ źnižeńni ryzyki chraničnych zachvorvańniaŭ, takich jak rak, atłuścieńnie, dyjabiet i chvaroby serca. Ale, padobna, varta ŭžyvać jaho ŭmierana.

Na dumku ekśpiertaŭ, umieranaje spažyvańnie — heta kali vy pjacie nie bolš za 3-4 kubki za dzień, ale niekatoryja ludzi mohuć adčuvać pabočnyja efiekty navat kali spažyvajuć mieniej.

Dyk čym škodna pić šmat čaju?

1. Źnižaje zasvajeńnie žaleza

Dubilnyja rečyvy ŭ čai mohuć źviazvacca z žalezam raślinnaha pachodžańnia i niehatyŭna ŭpłyvać na jaho ŭsmoktyvańnie ŭ straŭnikavym trakcie. Kali ŭ vas nizki ŭzrovień žaleza, picie čaj pamiž pryjomami ježy i abmiažujcie jaho štodzionnaje spažyvańnie.

2. Moža vyklikać chvalavańnie i stres

Tut jak i z kavaj — zanadta vialikaja kolkaść čaju moža vyklikać pačućcio tryvohi i ŭnutranaha dyskamfortu abo niervovaści. Kali vy zaŭvažyli hetyja simptomy, skaracicie spažyvańnie napojaŭ z kafieinam abo pasprabujcie zamianić kłasičny čaj harbatami biez kafieinu.

3. Moža vyklikać młosnaść

Taniny, jakija źmiaščajucca ŭ čai, mohuć razdražniać tkaniny straŭnikava-kišačnaha traktu ŭ adčuvalnych ludziej, vyklikajučy takija simptomy, jak młosnaść ci bol u žyvacie.

4. Paharšaje jakaść snu

Praźmiernaje spažyvańnie kafieinu moža źnizić vypracoŭku miełataninu i pryvieści da paharšeńnia jakaści abo parušeńnia snu.

5. Moža vyklikać piakotku

Kafiein moža vyklikać piakotku abo pahoršyć simptomy straŭnikavaha refluksu. Kafiein vałodaje zdolnaściu rassłablać nižni stravavodny śfinktar i pavialičvać vypracoŭku kisłaty ŭ straŭniku.

6. Moža vyklikać ŭskładnieńni padčas ciažarnaści

Praźmiernaje ŭździejańnie kafieinu z čaju padčas ciažarnaści moža spryjać uźniknieńniu vykidyšaŭ abo nizkaj vahi dziciaci pry naradžeńni. Travianyja harbaty taksama varta vykarystoŭvać z aściarožnaściu, i lepš za ŭsio pierad ich užyvańniem prakansultavacca ź lekaram. Niekatoryja travy mohuć navat vyklikać zaŭčasnyja rody.

7. Vyklikaje hałaŭnyja boli

Rehularnaje spažyvańnie praźmiernaj kolkaści kafieinu, u tym liku z čaju, moža spryjać uźniknieńniu chraničnych hałaŭnych bolaŭ.

8. Moža vyklikać zaležnaść

Navat kali vy pjacie kavu pastajanna, to možacie atrymać kafieinavuju zaležnaść. A admova ad čaju moža vyklikać simptomy abstyniencyi, takija jak stomlenaść, razdražnialnaść i hałaŭnyja boli.

9. Moža vyklikać hałavakružeńnie

Vialikija dozy kafieinu mohuć vyklikać hałavakružeńnie. Choć hety simptom sustrakajecca redka, jon uźnikaje, kali čałaviek užyvaje 6-15 kubkaŭ čaju ŭ dzień.

Kali vy adčuvajecie jakija-niebudź pabočnyja efiekty ad užyvańnia čaju, pasprabujcie abmiežavać jaho kolkaść. Niekatoryja ludzi bolš adčuvalnyja da ŭździejańnia hetaha napoju, a pamianšeńnia kolkaści vypitaha čaju moža być dastatkova, kab simptomy źnikli.

Čytajcie jašče:

Ci možna pić kavu na pusty straŭnik?

Štodzień vypivajcie na hałodny straŭnik šklanku haračaj vady

Doktar nie myŭsia z myłam piać hadoŭ — vyniki jaho ŭrazili

• 13
• 0
• 7
• 14
• 21
• 14
• 13
• 0