Chrenin u Kitai zajaviŭ, što adnosiny pamiž krainami možna stavić u prykład inšym
Ministr abarony Respubliki Biełaruś Viktar Chrenin sustreŭsia z členam Palitbiuro Centralnaha Kamiteta Kamunistyčnaj partyi Kitaja, namieśnikam staršyni Centralnaha vajennaha savieta Kitajskaj Narodnaj Respubliki Čžanam Jusia, paviedamlaje pres-słužba Minabarony.
Baki abmierkavali pytańni dvuchbakovaha vajennaha supracoŭnictva. Bolš kankretna pra pieramovy i damoŭlenaści nie paviedamlajecca.
Chrenin adznačyŭ, što Biełaruś vysoka cenić toje, što dvuchbakovyja adnosiny dasiahnuli «adnaho z samych vysokich uzroŭniaŭ davieru i nadziejnaści». Pavodle Chrenina, u isnujučych źniešniepalityčnych umovach takija adnosiny možna stavić u prykład inšym.
«Niahledziačy na toje, što ŭzmacniajucca tendencyi mižnarodnaj kanfrantacyi i sankcyjnaha cisku, supracoŭnictva z Kitajem dla Biełarusi znachodzicca na narastalnaj trajektoryi raźvićcia. Dasiahnutaja vysokaja stupień daviernaści ŭ našych uzajemaadnosinach dazvalaje znachodzić rašeńni ŭsich pytańniaŭ u lubych situacyjach», — skazaŭ Chrenin.
Chrenin taksama zajaviŭ ab raźvićci biaśpieki z aporaj na Jeŭraziju. «U Respublicy Biełaruś na fonie dehradacyi jeŭrapiejskaj biaśpieki, jakaja praciahvajecca, usio bolšaje značeńnie nadajuć raźvićciu biaśpieki z aporaj na Jeŭraziju. Heta moža stać bolš šyrokaj alternatyvaj isnujučym miechanizmam padtrymańnia miru ŭ mnohich rehijonach našaj płaniety», — skazaŭ jon.
Ministr abarony Chrenin palacieŭ u Kitaj jašče 26 kastryčnika.
U žniŭni ŭ Minsk prylataŭ ministr abarony Kitaja Li Šanfu. Łukašenka navat nazvaŭ jaho samaj miedyjnaj asobaj śvietu. Taksama kitajski hienierał sustrakaŭsia ź ministram abarony Viktaram Chreninym. Dniami stała viadoma, što Šanfu źniaty sa svajoj pasady.
Ciapier čytajuć
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»4
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi11
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi1
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2727
Kamientary