Li Šanfu aficyjna źniaty z pasady ministra abarony KNR. U žniŭni jon pryjazdžaŭ u Minsk
Infarmacyja, što Li Šanfu źniaty z pasady i znachodzicca pad śledstvam, źjaviłasia jašče ŭ vieraśni. Ale aficyjna kitajskija ŚMI, jak zvyčajna, hetaha nie kamientavali.
Ministr mieŭsia prysutničać 7-8 vieraśnia na štohadovym schodzie ŭ abaronnym supracoŭnictvie Vjetnama i Kitaja, ale za dva dni admoviŭsia ad pajezdki «praz stan zdaroŭja», raspaviali krynicy Reuters siarod vjetnamskich čynoŭnikaŭ.
Li Šanfu zaniaŭ pasadu ministra abarony siem miesiacaŭ tamu — 12 sakavika 2023 hoda.
Jon z 2018 hoda znachodziŭsia pad amierykanskimi sankcyjami ŭ suviazi z kuplaj źniščalnikaŭ Su-35 i kompleksaŭ C-400 u Rasii. Hienierał byŭ blizki da kitajskaha lidara Si Czińpina. Hetym tłumačycca jaho imklivaje ŭzychodžańnie pa karjernaj leśvicy.
Raniej letam na publicy doŭhi čas nie źjaŭlaŭsia kiraŭnik kitajskaha MZS Cyń Han, heta taksama tłumačyli «stanam zdaroŭja», paśla ŭłady paviedamili, što taho źniali z pasady. Pavodle adnoj ź viersij, pryčynaj stała ramantyčnaja suviaź z hankonhskaj teležurnalistkaj Fu Siaaciań.
Li Šanfu pryjazdžaŭ 16 žniŭnia ŭ Minsk, i Łukašenka navat nazvaŭ jaho samaj miedyjnaj asobaj śvietu. Taksama kitajski hienierał sustrakaŭsia ź ministram abarony Viktaram Chreninym.
«Ja byŭ suprać, kab mianie mianiali na 20 rasijskich vajskoŭcaŭ. Nie zmoh by hladzieć u vočy ludziam, syny jakich siadziać»: pieršaje intervju eks-mera Chiersona
Kamientary