Pucin sustreŭsia ź Jaŭlinskim. U partyi śćviardžajuć, što prezidenckija vybary jany nie abmiarkoŭvali
Pres-słužba rasijskaj partyi «Jabłoko» paviedamiła, što zasnavalnik partyi Ryhor Jaŭlinski sustreŭsia 26 kastryčnika z Uładzimiram Pucinym. U paviedamleńni śćviardžajecca, što hałoŭnaj temaj abmierkavańnia była «nieabchodnaść pahadnieńnia ab spynieńni ahniu va Ukrainie», piša «Mieduza».
U partyi zajavili, što spynieńnie ahniu — «pryncypovaja pazicyja Jaŭlinskaha». Palityk ličyć, što nieabchodna jak maha chutčej pačynać pieramovy, jon hatovy asabista ŭ ich udzielničać. Pavodle paviedamleńnia, Jaŭlinski «padrabiazna vykłaŭ svaju pazicyju» Pucinu.
«Prezidenckija vybary 2024 hoda nie abmiarkoŭvalisia. Raniej Jaŭlinski nieadnarazova publična zajaŭlaŭ pra toje, što razhledzić mahčymaść udziełu ŭ prezidenckich vybarach, kali hramadzianie sami i sa svajoj inicyjatyvy źbiaruć nie mienš za 10 miljonaŭ podpisaŭ za jaho vyłučeńnie», — zajavili ŭ pres-słužbie.
Kamientar ab sustrečy Jaŭlinskaha i Pucina ŭ partyi patłumačyli «šmatlikimi zapytami, jakija pastupili ŭ pres-słužbu».
Pres-sakratar prezidenta Dźmitryj Piaskoŭ admoviŭsia kamientavać sustreču Pucina ź Jaŭlinskim.
«Mieduza» ŭ kancy žniŭnia paviedamlała, što ŭ Administracyi prezidenta vyznačylisia sa «sparynh-partniorami», jakija buduć udzielničać u prezidenckich vybarach u sakaviku 2024 hoda z Uładzimiram Pucinym.
Pavodle słoŭ dźviuch krynic, blizkich da Kramla, adnym z hałoŭnych kryteryjaŭ ich adboru staŭ uzrost. Siarod zarehistravanych kandydataŭ nie pavinna być palitykaŭ, maładziejšych za 50 hadoŭ, bo najaŭnaść takich kandydataŭ u biuleteni moža prymusić rasijan zadumacca pra toje, što 70-hadovy Pucin — «užo nie toj čałaviek, jaki prychodziŭ da ŭłady ź ćviordaj rukoj».
Na hety momant u AP raźličvajuć, što na vybary, akramia Pucina, pojduć pradstaŭniki troch parłamienckich partyj: KPRF, ŁDPR i «Novyja ludzi». U vieraśni stała viadoma, što kandydat, «jaki pradstaŭlaje libieralnyja siły», moža ŭziać udzieł u prezidenckich vybarach.
Jaŭlinski zhadvajecca ŭ ankiecie (jon na hod starejšy za Pucina), jakuju Alaksiej Navalny prapanavaŭ zapoŭnić rasijskim palitykam, žurnalistam i hramadskim dziejačam, kab daviedacca pra ich staŭleńnie da prezidenckaj kampanii ŭ RF u 2024 hodzie. Navalny nazyvaje proźviščy niekalkich čałaviek i pytajecca, ci moža chtości ź ich być adzinym kandydatam ad apazicyi na vybarach, siarod ich jość Jaŭlinski.
Jaŭlinski ŭdzielničaŭ u prezidenckich vybarach u 1996, 2000 i 2018 hadach. U 2018-m jon nabraŭ 1,05%, u Ksienii Sabčak było 1,68%, u Paŭła Hrudzinina, jaki pazicyjanavaŭ siabie jak biespartyjny, ale byŭ vyłučany KPRF i «Levym frontam», było 11,55%.
Niezadoŭha da vybaraŭ 2018 hoda Jaŭlinski taksama sustrakaŭsia z Pucinym.
Jaŭhien Rojzman taksama admoviŭsia vyłučacca na prezidenckija vybary ŭ Rasii jak adziny kandydat apazicyi
«Heta dziŭnyja idei». Nobieleŭski łaŭreat Murataŭ admoviŭsia iści na prezidenckija vybary ŭ Rasii
Murataŭ i Rojzman — tak; Vieniadziktaŭ, Ziuhanaŭ, Sabčak, Jaŭlinski — nie. Navalny adkazaŭ na pytańnie pra adzinaha kandydata ad apazicyi
«Kab Pucin nie vyhladaŭ dziedam». U Kramli vyznačylisia, chto budzie sparynh-partniorami na prezidenckich vybarach 2024 hoda
«Nadzieja Ściapanaŭna». Mikita Najdzionaŭ apublikavaŭ paemu, jakaja naradziłasia ŭ Žodzinskaj turmie. Takoha paetyčnaha epasu ŭ biełaruskaj paezii XXI stahodździa jašče nie było66
Kamientary