Łukašenka adkryta zajaviŭ, što ŭ 2020 hodzie rasijskaja armija nie dała b jamu pajści
Alaksandr Łukašenka na sustrečy z moładzievym aktyvam siońnia zajaviŭ, što kali b apazicyja ŭziała ŭładu ŭ 2020 hodzie, u Biełarusi adbyłosia b sutyknieńnie z rasijskimi Uzbrojenymi Siłami.
Alaksandr Łukašenka raspavioŭ, što ŭ pieršyja hady prezidenctva krainie, pavodle jaho, «asabliva składanym było zachavać niezaležnaść».
«Heta byli najciažejšyja hady. Vy ž pahladzicie chroniku, kali pryjazdžali siudy UNA-UNSO z Ukrainy, z Polščy admarozki, z Rasii. Pieravaročvali na vulicach aŭtamabili. My ŭvieś čas ź imi zmahalisia. I ŭsio na hrošy Zachadu. Tamu nam daviałosia ŭvieś čas zmahacca. Zaŭsiody było składana. Zaŭsiody my vajavali na hetych vulicach. My ŭžo viedali: vybary — heta abaviazkova bojnia, asabliva ŭ Minsku», — skazaŭ jon.
Heta chłuślivaje śćviardžeńnie. Vybary ni razu nie byli bojniaj, ale zaŭsiody było niedapuščeńnie naziralnikaŭ da padliku hałasoŭ, padaŭleńnie mirnych pratestaŭ suprać falsifikacyi.
Pavodle Łukašenki, 2020 hod staŭ samym składanym.
«Heta była kulminacyja ŭsich hetych bitvaŭ i bojek», — skazaŭ jon.
«Kali b tady zavahalisia, usio — nas by nie było, tut by išła vajna. Tamu što vojski NATA byli hatovyja ŭžo ŭ Biełaruś ustupić», — vydaje svaju viersiju Łukašenka.
«Im [apanientam ułady] treba było tolki na sutki ŭziać uładu i zaprasić siudy vojski NATA — heta pramoje sutyknieńnie z Rasijaj. Heta jadziernaja vajna. Tamu projdzie čas, vy jašče acenicie toje, što my zrabili ŭ 2020 hodzie.
Heta nie Ukraina. Tut by adrazu adbyłosia sutyknieńnie NATA i rasijskich Uzbrojenych Sił. Nas by pieramałoli», — havoryć Łukašenka.
U 2020 hodzie Alaksandr Łukašenka, pavodle acenak naziralnikaŭ, prajhraŭ vybary Śviatłanie Cichanoŭskaj, ale nie addaŭ ułady, a raspačaŭ masavyja represii.
Ciapier čytajuć
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf44
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf4
«Tekst prysiahi prahučaŭ tady dvojčy». Statkievič padzialiŭsia ŭspaminami pra prysiahu biełaruskich vajskoŭcaŭ u 1992 hodzie na Dzień bitvy pad Oršaj99
Kamientary