Uradženka Biełarusi Dyjana Arbienina stała jašče adnym rasijskim artystam, chto admoviŭsia ad antyvajennaj pazicyi
U Novasibirsku 22 kastryčnika adbyŭsia kancert śpiavački Dyjany Arbieninaj i hurta «Načnyja snajpiery». Na im Arbienina sustrełasia z maci zahinułych va Ukrainie i praśpiavała razam z adnoj ź ich.
Arbienina apublikavała post u sacsietkach z nahody kancerta. Pavodle jaje, vystup byŭ «absalutna pałymiany, narodu było mora». Jana asabliva adznačyła vystup Lidzii Jastrub z Kamiteta siemjaŭ voinaŭ Ajčyny, razam ź jakoj Arbienina praśpiavała chit «Siekundu nazad».
«Dziaŭčaty pryjšli na kancert. Pakazvali fatahrafii svaich zahinułych synoŭ. Serca rviecca. Spačuvaješ ich horu i razumieješ, što ničym nie možaš dapamahčy, akramia jak addać luboŭ, jakoj prasiaknutaja kožnaja chvilina kancerta», — napisała Arbienina.
Pierad vystupam artystki ŭ Novasibirsku hučali publičnyja zakliki admianić jaje kancert.
«My suprać hetaha, tamu što ličym, što heta vorah, i vorah niebiaśpiečny. Niebiaśpiečny jon tym, što maje ŭpłyŭ na šyrokija masy ludziej. Ludzi, źviarnicie na heta ŭvahu. Nie dapuścicie takoha biaźmiežža. Takija ludzi nie pavinny znachodzicca ŭ našaj krainie», — kazaŭ na videa mužčyna pra Arbieninu.
Pierad Novasibirskam u artystki za jaje antyvajennuju pazicyju ŭžo admianili kala dziasiatka kancertaŭ.
Arbienina — nie pieršy viadomy rasijski śpiavak, jaki pierajšoŭ na pravajennyja pazicyi. Hetak ža pastupili Roma Źvier, Siarhiej Łazaraŭ i inšyja.
U 2014 hodzie Arbienina zajaŭlała, što nie padtrymlivaje dałučeńnie Kryma da Rasii.
U lutym 2022 hoda jana vypuściła pieśniu «Nie maŭčy» sa słovami: «Ty idzieš na čužuju vajnu, i nichto ŭ nas nie spytaŭ».
Ciapier čytajuć
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ7
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ
Jaje nie chacieli brać u muzyčnuju škołu, a ŭ 14 jana syhrała ŭ Karniehi-chole ŭ Ńju-Jorku. Biełaruskaja skrypačka — pra žyćcio ŭ Łondonie, zarobki i čym skrypka Stradyvary za 14 miljonaŭ jeŭra adroźnivajecca ad zvyčajnaj1313
Jaje nie chacieli brać u muzyčnuju škołu, a ŭ 14 jana syhrała ŭ Karniehi-chole ŭ Ńju-Jorku. Biełaruskaja skrypačka — pra žyćcio ŭ Łondonie, zarobki i čym skrypka Stradyvary za 14 miljonaŭ jeŭra adroźnivajecca ad zvyčajnaj13
Natalla Kalehava raskazała pra dapamohu biełaruskim uciekačam, svaju siamju, staŭleńnie da Cichanoŭskaj. I patłumačyła, chto takija «babry» i «zajcy»4444
Kamientary