Ejsmant patłumačyła, čamu žančynam pracavać u Pałacy Niezaležnaści ciažej, čym mužčynam
U prahramie «Hałoŭny efir» pres-sakratarka Łukašenki Natalla Ejsmant adkazała, nakolki fizična ciažka pracavać u Pałacy Niezaležnaści i dała ŭjaŭleńnie pra pamiery pałaca.
«Kali kazać kankretna pra mietry, to ad punkta propusku da majho kabinieta niešta kala 400 mietraŭ. Ad majho kabinieta da pryjomnaj kiraŭnika dziaržavy, dzie časta prachodziać mierapryjemstvy, na jakich pracujem my, prezidencki puł, kala 400—450 mietraŭ. Voś hetyja dźvie praktyčna bazavyja dystancyi — amal kiłamietr. Zały, u jakich my pracujem, raźmiaščajucca prykładna na takoj ža adlehłaści (400—450 mietraŭ. — Zaŭv. red.), dzieści krychu mienš, dzieści krychu bolš», — raspaviała Natalla Ejsmant.
«Bazava minimum za paŭdnia 5—6 kiłamietraŭ u Pałacy Niezaležnaści my prachodzim adnaznačna», — dadaje jana.
Jak kaža Ejsmant, bolšaja častka pracy prachodzić u Administracyi Łukašenki na Karła Marksa, 38. «Pierajezdy, pierachody ci praca da kanca dnia ŭ pałacy. Heta taki bazavy scenar», — raspaviała Ejsmant.
Padčas aficyjnych vizitaŭ pracy na nahach stanovicca bolš. «Faktyčna heta mnohija hadziny na nahach. Tamu dystancyja, jakuju my prachodzim u taki pracoŭny dzień, daŭžeje šmatkroć», — kaža Ejsmant.
Kali ŭ Pałacy Niezaležnaści ekskursii, to padčas dvuch-, trochhadzinnaj ekskursii «nabiahaje vielmi surjozny kiłamietraž», «adnaznačna za dziasiatak», raspaviadaje jana.
«Ja zaŭsiody kažu, što dobraja forma žurnalistaŭ — heta naš słužbovy abaviazak», — kaža Ejsmant.
I dadaje, što ŭ mužčyn usio ž taki jość pieravaha: žančyny tut zaŭsiody abaviazanyja chadzić na abcasach, a mužčyny nosiać tufli, krasoŭki. «Tamu my [žančyny] prachodzim bolš składanyja dystancyi», — padsumavała Ejsmant.
-
Minčuk źniaŭ rolik pra čarhu ŭ paliklinicy, dzie było bolš za 150 čałaviek. Za heta na jaho napisali zajavu ŭ milicyju
-
Julijana Šamietaviec z «Kibierpartyzanaŭ» stała maci — raskazvaje pra dekretny adpačynak u ZŠA i toje, ci sapraŭdy možna sumiaščać pracu z maciarynstvam
-
Kavieryn vybačyŭsia za prapanovu eratyčnaj fotasiesii dla Cichanoŭskaj
Minčuk źniaŭ rolik pra čarhu ŭ paliklinicy, dzie było bolš za 150 čałaviek. Za heta na jaho napisali zajavu ŭ milicyju10
Kamientary