U pasolstvie Italii ŭ Biełarusi mianiajecca pasoł. Ci budzie jon uručać davierčyja hramaty Łukašenku?
Pasoł Italii Marya Baldzi, jak vykonvaŭ svaju dypłamatyčnuju misiju bolš za 5 hadoŭ, pakinuŭ post u suviazi sa skančeńniem terminu paŭnamoctvaŭ. Zamiest jaho pryjedzie Pjetra Tamaza Markiedžani.
«Ciapier ja pieradaju estafietu novamu ambasadaru Pjetra Tamaza Markiedžani z uśviedamleńniem taho, što zrabiŭ maksimum — razam z usimi supracoŭnikami ambasady dla abarony intaresaŭ Italii i raźvićcia adnosinaŭ ź Biełaruśsiu», — napisaŭ u raźvitalnym liście Marya Baldzini.
Razam z tym daradca Cichanoŭskaj Franak Viačorka napisaŭ u svaim telehram-kanale, što dypłamat prybudzie nie ŭ statusie pasła:
«My znachodzimsia ŭ rehularnym kantakcie z MZS Italii. Pjetra Tamaza Markiedžani prybudzie ŭ statusie časova pavieranaha i nie budzie ŭručać davierčych hramat Łukašenku. Prynamsi takaja damoŭlenaść była ź ministram zamiežnych spravaŭ Italii».
Pres-sakratarka Śviatłany Cichanoŭskaj Hanna Krasulina dadała, što demsiły zaklikali zachodniejeŭrapiejskich partnioraŭ nie ŭručać davierčych hramat Łukašenku. I italjanski dypłamat, jaki budzie časova pavieranym, budzie vykonvać zvyčajnyja funkcyi pasła biez uručeńnia davierčych hramat.
U pasolstvie Italii ŭ Minsku skazali, što dypłamat jašče ŭ stalicu Biełarusi nie prybyŭ.
Pjetra Tamaza Markiedžani naradziŭsia ŭ Miłanie ŭ 1967 hodzie. Apošnim časam byŭ hienieralnym konsułam Italii ŭ Ženievie. Raniej pracavaŭ na konsulskich pasadach u Maskvie i Brusieli, centralnym aparacie MZS Italii (adkazvaŭ za krainy Centralnaj i Paŭnočnaj Jeŭropy). U 2007-m staŭ kavaleram ordena «Za zasłuhi pierad Respublikaj».
«Naša Niva» — bastyjon biełaruščyny
PADTRYMAĆHladzicie taksama:
Italija zamaroziła aktyvy rasijskich aliharchaŭ na dva miljardy jeŭra
Kamanda Cichanoŭskaj u «pastajannym kantakcie» z uradami krain, dzie žyvuć biełarusy — Rychter
U Ofisie Cichanoŭskaj adreahavali na zaprašeńnie biełaruskaha pasła na ŭručeńnie Nobieleŭskaj premii
-
Bolš za 13 tysiač minskich vypusknikoŭ sabrali na «Minsk-Arenie». Słuchali Lošu Śvika FOTY
-
«Nie bačyła nivodnaha smažanaha sabaku». Biełaruska raskazała, jak adpačyła ŭ Vjetnamie
-
Ad sačeńnia za top-mieniedžarami da pikantnych dram XIX stahodździa. Jak pracuje detektyŭnaje ahienctva «Reks» Alaksandra Azarava
Ciapier čytajuć
Fiaduta rezka adkazaŭ Kaleśnikavaj: Za što vy zmahalisia ŭ 2020 hodzie, nie cikavić nikoha, akramia miadźviedziaŭ ź bierlinskaha zaaparka, jakija vas atačajuć4848
Kamientary