У пасольстве Італіі ў Беларусі мяняецца пасол. Ці будзе ён уручаць даверчыя граматы Лукашэнку?
Пасол Італіі Марыа Бальдзі, як выконваў сваю дыпламатычную місію больш за 5 гадоў, пакінуў пост у сувязі са сканчэннем тэрміну паўнамоцтваў. Замест яго прыедзе П'етра Тамаза Маркеджані.
«Цяпер я перадаю эстафету новаму амбасадару Пʼетра Тамаза Маркеджані з усведамленнем таго, што зрабіў максімум — разам з усімі супрацоўнікамі амбасады для абароны інтарэсаў Італіі і развіцця адносінаў з Беларуссю», — напісаў у развітальным лісце Марыа Бальдзіні.
Разам з тым дарадца Ціханоўскай Франак Вячорка напісаў у сваім тэлеграм-канале, што дыпламат прыбудзе не ў статусе пасла:
«Мы знаходзімся ў рэгулярным кантакце з МЗС Італіі. Пʼетра Тамаза Маркеджані прыбудзе ў статусе часова паверанага і не будзе ўручаць даверчых грамат Лукашэнку. Прынамсі такая дамоўленасць была з міністрам замежных справаў Італіі».
Прэс-сакратарка Святланы Ціханоўскай Ганна Красуліна дадала, што дэмсілы заклікалі заходнееўрапейскіх партнёраў не ўручаць даверчых грамат Лукашэнку. І італьянскі дыпламат, які будзе часова павераным, будзе выконваць звычайныя функцыі пасла без уручэння даверчых грамат.
У пасольстве Італіі ў Мінску сказалі, што дыпламат яшчэ ў сталіцу Беларусі не прыбыў.
П'етра Тамаза Маркеджані нарадзіўся ў Мілане ў 1967 годзе. Апошнім часам быў генеральным консулам Італіі ў Жэневе. Раней працаваў на консульскіх пасадах у Маскве і Бруселі, цэнтральным апараце МЗС Італіі (адказваў за краіны Цэнтральнай і Паўночнай Еўропы). У 2007-м стаў кавалерам ордэна «За заслугі перад Рэспублікай».
«Наша Нiва» — бастыён беларушчыны
ПАДТРЫМАЦЬГлядзіце таксама:
Італія замарозіла актывы расійскіх алігархаў на два мільярды еўра
Каманда Ціханоўскай у «пастаянным кантакце» з урадамі краін, дзе жывуць беларусы — Рыхтэр
У Офісе Ціханоўскай адрэагавалі на запрашэнне беларускага пасла на ўручэнне Нобелеўскай прэміі
Начальнік міліцыі Брагіна страляў у сваю жонку. Яна цудам выжыла9
Каментары