Biełaruskim vytvorcam daduć ilhoty na arendu płoščaŭ u handlovych centrach
Adpaviednaje pahadnieńnie dla stalicy padpisali 10 kastryčnika Minharvykankam, Ministerstva antymanapolnaha rehulavańnia i handlu i bujnyja arendadaŭcy.
Pahadnieńnie padpisali takija kampanii, jak «Hrand Atryum» «JeŭraStepHrup», «Halereja Kancept», «A-Sici», «Handlovy dom «Ždanovičy», «Jeŭrahandal», «BiełMartPłaza», paviedamlajuć «Minsk-Naviny».
Dakumient praduhledžvaje lhotu pa arendnaj płacie dla ajčynnych vytvorcaŭ, arendnyja kanikuły da troch miesiacaŭ i inšyja normy. Uładalnik handlovaha centra i vytvorca vybirajuć abo ŭsie hetyja lhoty, abo niešta adno. Mohuć być i inšyja prefierencyi, ale heta vyznačajecca ŭ chodzie damoŭnaj pracy i nie abaviazkova aktyvujecca ŭ pahadnieńni.
Biełaruskim vytvorcam pry arendzie buduć davać źnižku nie mienšuju za 15%.
Pieršy namieśnik staršyni Minharvykankama padkreśliła, što niekatoryja pradpryjemstvy handlu ŭžo maksimalna nasyčany biełaruskimi tavarami, ale heta ŭ pieršuju čarhu zasłuha tych vytvorcaŭ, jakija sami aktyŭna prasoŭvajuć pradukcyju.
«Chaciełasia b, kab jak minimum 50% handlovych płoščaŭ zajmali ajčynnyja vytvorcy, bo ich pradukcyja hetaha vartaja», — adznačyła pieršaja namieśnica staršyni Minharvykankama Nadzieja Łazarevič.
Ciapier čytajuć
Julijana Šamietaviec z «Kibierpartyzanaŭ» stała maci — raskazvaje pra dekretny adpačynak u ZŠA i toje, ci sapraŭdy možna sumiaščać pracu z maciarynstvam1414
Kamientary