«Ukrainskija psieŭdapatryjoty źniščajuć miemaryjały». Stała viadoma pra razbureńnie pomnika biełarusam, jakija zahinuli za Ukrainu
Ukrainskaja błohierka @hrystynakafka raskazała ŭ tyktoku sumnuju historyju pra toje, jak u Kijevie «psieŭdapatryjoty» pad vyhladam «zmahańnia z krainaj-ahresaram» dabilisia častkovaha zrujnavańnia miemaryjała, pastaŭlenaha ŭ pamiać pra biełarusaŭ, jakija zahinuli, abaraniajučy Ukrainu.
Miemaryjał byŭ ustanoŭleny, jak śćviardžajecca na fasadzie kaledža Kijeŭskaha nacyjanalnaha ŭniviersiteta technałohij i dyzajnu, jašče ŭ 2016 hodzie, to-bok zadoŭha da rasijskaj poŭnamaštabnaj ahresii.
Pavodle błohierki, adzin nieabyjakavy chłopiec paviesiŭ na miesca źniataj «Pahoni» svaju ŭłasnuju.
Pakul jon jaje viešaŭ, da jaho padyšła žančyna, jakaja pradstaviłasia namieśnicaj rektara, i raskazała, što niejkija ludzi prychodzili da kiraŭnictva kaledža i zapatrabavali, kab jany razabrali hety miemaryjał, bo ź Biełaruśsiu Ukraina, maŭlaŭ, ciapier u stanie vajny. Urešcie jany nibyta dajšli da Ministerstva aśviety i paprasili «niešta zrabić».
Spačatku miemaryjał prosta prykryli praścinoj, ale paśla ź jaho ŭsio adno prybrali bieł-čyrvona-biełuju simvoliku, jakuju namieśnica rektara zabrała sabie.
Błohierka raskazvaje pra heta vielmi emacyjna, nie spyniajučysia navat pierad niecenzurnaj łajankaj na adras «psieŭdapatryjotaŭ». Pry hetym zhadvajučy taksama minułahodni vypadak, kali ŭ Kijevie takija ž «psieŭdapatryjoty» zrezali pamiatny kryž, pastaŭleny ŭ 2020 hodzie kala biełaruskaj ambasady ŭ pamiać pra paciarpiełych ad režymu Łukašenki. Toj zrezany kryž paśla zabrali sabie biełaruskija dobraachvotniki-kalinoŭcy.
Ciapier čytajuć
Babaryka try chviliny adkazvaŭ na pytańnie, čyj Krym. Tak i nie adkazaŭ85
Kamientary