Kluč da prafiłaktyki Alchiejmiera moža być u zdarovym charčavańni — navukoŭcy
Vyniki novaha daśledavańnia prademanstravali, što karacinoidy dy inšyja antyaksidanty, na jakija bahatyja sadavina i harodnina, mohuć značna zapavolić raźvićcio chvaroby Alchiejmiera i istotna źnizić ryzyku zachvorvańnia na jaje.
Karacinoidy — mahutnyja antyaksidanty, jakija zvyčajna ŭtrymlivajucca ŭ kalarovaj sadavinie (hrejpfruty, abrykosy, piersiki) i harodninie (morkva, harbuz, pamidory, špinat, kukuruza, pierac, kapusta). Jany adyhryvajuć vielmi važnuju rolu ŭ pieraduchileńni akiślalnaha stresu, jaki pryvodzić da raźvićcia roznych chvarobaŭ mozha, siarod ich i chvaroba Alchiejmiera.
Jašče ŭ 2004 hodzie stała viadoma, što mozh vybaračna nazapašvaje takija karacinoidy, jak lutein i zeaksancyn. Dalejšyja daśledavańni pakazali, što ŭ ludziej z vyšejšym ich utrymańniem nazirałasia lepšyja kahnityŭnyja zdolnaści i nižejšaja ryzyka raźvićcia demiencyi.
Naprykład, vučonyja z Univiersiteta Raša (Čykaha) zvyš dziesiaci hadoŭ adsočvali dyjetu bolš jak 1000 čałaviek. Jany vyjavili, što ŭdzielniki, jakija spažyvali bolš praduktaŭ, bahatych na antyaksidanty, mieli lepšuju pamiać i myśleńnie, a taksama radziej pakutavali ad chvaroby Alchiejmiera. Asabliva karysnymi byli pradukty, bahatyja na karacinoidy. Ludzi, što najbolš ich spažyvali, mieli na 50% mienšuju ryzyku chvaroby Alchiejmiera.
Vučonyja ź Miedycynskaj škoły Technałahičnaha instytuta ŭ Virdžynii (ZŠA) upieršyniu zdoleli dakazać, što ŭzrovień karacinoidaŭ karelujecca z chvarobaj Alchiejmiera. Svaje vysnovy jany apublikavali ŭ Journal of Alzheimer's Disease.
Daśledavańnie pakazała, što ŭ pacyjentaŭ z chvarobaj Alchiejmiera ŭ mozhu ŭ dva razy mienš takich karacinoidaŭ, jak lutein, zieaksancyn i likapin, a taksama vitaminu Je ŭ paraŭnańni sa zdarovym mozham.
Daśledavańni taksama pakazali, što siatčatka voka vybaračna nazapašvaje lutein (im bahataja zialonaja listavaja harodnina) i zieaksancyn (jaho šmat u žoŭtaj i aranžavaj sadavinie i harodninie) ź ježy, utvarajučy bačny žoŭty malekularny pihmient, jaki palapšaje zrok i abaraniaje fotareceptary.
Vymiarajučy biez chirurhičnaha ŭmiašańnia aptyčnuju ščylnaść makularnaha pihmientu ŭ pacyjentaŭ, daśledčyki mohuć acanić kancentracyju luteinu i zieaksancynu ŭ mozhu i sprahnazavać ryzyku raźvićcia demiencyi.
Vučonyja śćviardžajuć, što ich daśledavańnie dakazvaje, što dyjeta, bahataja na karacinoidy (naprykład, MIND-dyjeta) — vydatny sposab zapavolić prahres zachvorvańnia ŭ tych, chto ad jaho pakutuje, i značna źnizić ryzyki demiencyi ŭ pažyłych ludziej.
Čytajcie jašče:
Upieršyniu ŭ śviecie Alchiejmier znajšli ŭ 19-hadovaha maładoha čałavieka
Nie zafiksavana ni adnaho vypadku, kab čałavieka vylečyli: chvaroba Alchiejmiera
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2828
Kamientary