Kadraŭ, paśla jakich niadaŭna zatrymali siamiejnuju paru, nie było ŭ filmie Maminava «Chronika sučasnaści»
Siońnia hubazikaŭcy vykłali videa z paraj biełarusaŭ, jakich zatrymali. Jany, pa słovach siłavikoŭ, zaśviacilisia ŭ filmie «Chronika sučasnaści» režysiora Mikałaja Maminava. Ale vyjaviłasia, što pakazanych siłavikami kadraŭ u filmie niama.
Na zatrymańnie pary adreahavaŭ u kamientary «Biełsatu» režysior filma Mikałaj Maminaŭ:
«Videa, na jakim vyjaŭlenyja hetyja ludzi, źniataje nie mnoju, i naohuł nie maje nijakaha dačynieńnia da filma. Ja navat nie zdymaŭ u tym miescy».
My pierahladzieli film: videa, jakoje demanstruje HUBAZiK, nie źjaŭlajecca kavałkam hetaha filma. Para sapraŭdy patrapiła na niejkaje videa z pratestaŭ, ale nie ŭ film.
Vierahodna, siłaviki vykarystoŭvajuć film «Chronika sučasnaści», kab pasvaryć biełarusaŭ unutry krainy i ŭ emihracyi — u videa zatrymanych zmušajuć kazać «dziakuj Mikałaju Maminavu». Takoje ŭžo adbyvałasia z knihaj «Ja vychodžu».
Akcent u prapahandysckich publikacyjach zaŭsiody robicca na tym, što byccam by tyja, chto vyjechaŭ za miežy Biełarusi, nie kłapociacca pra biełarusaŭ unutry krainy i admysłova padstaŭlajuć ludziej pad kryminalnyja spravy, kab mieć z hetaha prybytak. Taksama ludziej ahitujuć prychodzić kajacca ŭ HUBAZiK.
«Naša Niva» — bastyjon biełaruščyny
PADTRYMAĆCiapier čytajuć
«Z tatam vyrašyli: naśpieŭ čas vučycca pa-biełarusku». Žančyna raskazała, jak u 80-ja hady jeździła za 20 kiłamietraŭ ad Minska dziela adukacyi na rodnaj movie11
«Z tatam vyrašyli: naśpieŭ čas vučycca pa-biełarusku». Žančyna raskazała, jak u 80-ja hady jeździła za 20 kiłamietraŭ ad Minska dziela adukacyi na rodnaj movie1
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7878
Kamientary