«U mianie taja ž prablema». Premjer Ałbanii raskazaŭ aniekdot pra Pucina i Pryhožyna
Adbyłosia heta na Stratehičnym forumie ŭ słavienskim Bledzie.
Premjer-ministr Ałbanii Edzi Rama raskazaŭ aniekdot, u jakim namiaknuŭ na dačynieńnie Pucina da zabojstva kiraŭnika pryvatnaj vajskovaj kampanii «Vahnier» Jaŭhiena Pryhožyna, zaŭvažyŭ UNIAN.
Na Bled Strategic Forum u Słavienii jon spytaŭ udzielnikaŭ forumu, ci viedajuć jany, što Rasija choča abjadnać roznyja časavyja pajasy z-za vialikaj adlehłaści pamiž rehijonami, što stvaraje prablemy.
«Premjer-ministr idzie da Pucina i kaža: «Jość prablema. Maja siamja była ŭ adpačynku, ja patelefanavaŭ im pažadać dabranač, ale ŭ ich užo była ranica. Ja patelefanavaŭ Ołafu Šolcu, kab pavinšavać jaho z dniom naradžeńnia, ale jon skazaŭ, što heta budzie na nastupny dzień. Ja patelefanavaŭ Si Czińpinu, kab pavinšavać jaho z Novym hodam, ale jon skazaŭ mnie, što ŭ ich usio jašče stary hod».
A Pucin jamu adkazvaje: «Tak, takoje zdaryłasia i sa mnoj. Ja patelefanavaŭ siamji Pryhožyna, kab vykazać spačuvańni, ale jaho samalot jašče nie ŭźlacieŭ», — skazaŭ Rama.
Ciapier čytajuć
Tolki žminda i lanivy nie padtrymlivaje «Nivy»! Vy možacie za chvilinu padtrymać «NN» padachodnym, nie patraciŭšy ni kapiejki svaich5
Kamientary