MZS zapatrabavała ad Polščy tłumačeńniaŭ adnosna viertalota, jaki nibyta zalacieŭ u pavietranuju prastoru Biełarusi
MZS Biełarusi zapatrabavała ad Polščy tłumačeńniaŭ i praviadzieńnia rasśledavańnia pa fakcie parušeńnia vajskovym viertalotam dziaržaŭnaj miažy. Pra heta paviedamlaje pres-słužba viedamstva.
U MZS 1 vieraśnia byŭ vyklikany časovy pavierany ŭ spravach Polščy ŭ Biełarusi Vojciech Filimanovič.
«Ad polskaha boku zapatrabavanyja adpaviednyja tłumačeńni i praviadzieńnie starannaha rasśledavańnia zdareńnia. Ab vynikach rasśledavańnia i pryčynach taho, što adbyłosia, jak heta pryniata ŭ mižnarodnych znosinach, pavinien być apavieščany biełaruski bok u prymalnyja terminy. Źviernuta ŭvaha na niedapuščalnaść parušeńnia dziaržaŭnaj miažy Respubliki Biełaruś. Vykazana nastojlivaja prośba da Varšavy pryniać miery dla vyklučeńnia takich incydentaŭ u budučyni», — havorycca ŭ paviedamleńni MZS.
Siońnia, 1 vieraśnia, Dziaržpahrankamitet Biełarusi zajaviŭ ab nibyta parušeńni pavietranaj prastory Biełarusi z boku Polščy ŭ Bierastavickim rajonie. Pavodle paviedamleńnia DPK, vajskovy viertalot Mi-24 na hranična małoj vyšyni pierasiok dziaržaŭnuju miažu, zalacieŭ na hłybiniu da 1200 mietraŭ na terytoryju Biełarusi, a zatym viarnuŭsia nazad.
Kamientary