Minabarony vydała novuju zajavu adnosna parušeńnia viertalotami dziaržaŭnaj miažy. Hetym razam bolš strymanuju, čym učora
Pavodle zajavy Ministerstva abarony, «sumiesna ź Ministerstvam zamiežnych spraŭ Respubliki Biełaruś byli padrychtavany i pradstaŭlenyja polskamu boku padrabiaznyja danyja abjektyŭnaha kantrolu palotaŭ pavietranych sudnaŭ Respubliki Biełaruś, a taksama Respubliki Polšča 1 žniŭnia ŭ pryhraničnaj terytoryi». Jany nibyta «paćviardžajuć adsutnaść jakich-niebudź padstaŭ dla abvinavačvańnia ŭ parušeńni dziaržaŭnaj miažy».
Jak śćviardžajuć biełaruskija vajskovyja čynoŭniki:
«Viertaloty Respubliki Biełaruś vykonvali paloty na vyšyni 150-200 mietraŭ, a trajektoryja palotaŭ nie nabližałasia bližej, čym 1900 mietraŭ da dziaržaŭnaj miažy».
I zrazu ž pieravodziać strełki na inšy bok:
«Pry hetym u toj ža dzień polski viertalot Mi-2 vykonvaŭ palot za 200 mietraŭ ad našaj miažy, što paćvierdžana danymi kantrolu radyjołakacyjnych stancyj».
Akramia taho, Minabarony śćviardžaje, što ŭ adpaviednaści ź miždziaržaŭnymi damoŭlenaściami, maŭlaŭ, «polski bok byŭ u vyznačanym paradku prainfarmavany ab płanavanych palotach viertalotaŭ. Ździajśnieńnie jakich-niebudź pravakacyj u padobnaj situacyi, kali pierasoŭvańnie pavietranych sudoŭ adnaznačna adsočvajecca sumiežnym bokam, vidavočna niełahičnaje».
Taksama było zhadana pra «pastajannaje ŭzajemadziejańnie ź dziažurnym avijacyjnaha ruchu dziažurnaj bajavoj hrupy Centra pavietranych apieracyj kamandavańnia kampanientam pavietranych sił Respubliki Polšča» ź nibyta adsutnaściu jakich-niebudź pretenzij ź jaho boku.
Napiaredadni viečaram stała viadoma pra parušeńnie 1 žniŭnia polskaj pavietranaj prastory z boku Biełarusi dvuma viertalotami.
Spačatku aficyjnaja Varšava admaŭlała fakt parušeńnia pavietranaj prastory, ale paźniej patłumačyła, što pierasiačeńnie miažy adbyłosia ŭ rajonie horada Biełavieža na vielmi nizkaj vyšyni, i heta ŭskładniła vyjaŭleńnie viertalotaŭ radyjołakacyjnymi sistemami.
U adkaz na incydent ministr nacyjanalnaj abarony Polščy Maryjuš Błaščak addaŭ zahad ab pavieličeńni kolkaści vajskoŭcaŭ na miažy i razhortvańni dadatkovych sił i srodkaŭ, u pryvatnaści bajavych viertalotaŭ.
Ministerstva abarony Biełarusi adrazu ž stała admaŭlać fakt parušeńnia biełaruskimi viertalotami dziaržaŭnaj miažy, prytym učora rabiła heta ŭ ździeklivaj formie.
U Pientahonie prakamientavali incydent ź biełaruskimi viertalotami, što zalacieli na terytoryju Polščy
Biełaruskija viertaloty zalacieli na terytoryju Polščy ŭ toj čas, jak Łukašenka treci dzień znachodzicca pobač u Viskulach — «Biełaruski Hajun»
MZS Polščy ličyć incydent ź viertalotami elemientam eskałacyi
Ciapier čytajuć
Pra Miełkaziorava ŭ jaho apošni dzień: «Było adčuvańnie, što jon stomleny, brakuje enierhii, rysy tvaru byli zapałyja»3
Kamientary
niedorazumienije iz kartonnych vojsk užie podčiniajetsia nieposriedstvienno jemu.
prikažiet fiekalnyj čiemodan napasť na Sieniehał, Isłandiju i Puerto-riko - rab kosťmi lažiet, no v pakiet zapakujetsia.