Pradstaŭničaja delehacyja łukašenkaŭskich čynoŭnikaŭ dajechała da Paryža
U ahraharadku Paryž Pastaŭskaha rajona dniami ŭračysta adkrucili vientyl na praviedzienym siudy hazapravodzie. Z hetaj nahody siudy pryjechali adrazu niekalki vysokapastaŭlenych čynoŭnikaŭ, pišuć «Vitiebskije viesti».
Va ŭračystaściach asabista ŭziali ŭdzieł staršynia Viciebskaha abłvykankama Alaksandr Subocin, pamočnik Łukašenki — inśpiektar pa Viciebskaj vobłaści Ihar Bryło, ministr enierhietyki Biełarusi Viktar Karankievič, člen Savieta Respubliki, hienieralny dyrektar Dziaržaŭnaha pramysłovaha pradpryjemstva pa palivie i hazifikacyi «Biełpalivahaz» Alaksiej Kušnarenka, abłasnyja kiraŭniki «Viciebskenierha» i «Viciebskabłhaza».
Usie razam jany zapalili połymia, a paśla adzin za adnym raskazali pra bliskučyja pierśpiektyvy, jakija zaraz razhortvajucca pierad paryžanami.
Alaksandr Subocin adznačyŭ, što «Paryž — heta 400-y hazifikavany nasieleny punkt u Viciebskaj vobłaści… Heta i jość raźvićcio, jakoje dazvalaje palapšać kamfort, adkryvać novyja vytvorčaści».
U svaju čarhu, niadaŭni ahrarny ministr Ihar Bryło pa staroj zvyčcy zaŭvažyŭ, što «sielskaja haspadarka daje vialiki vałavy pradukt» i što «važna zachavać žyćcio ŭ vioscy, zamacavać moładź, stvaryć utulnaść u damach».
A staršynia Pastaŭskaha rajvykankama Siarhiej Čepik nie staŭ mudrahielić, a zamiest taho prosta skazaŭ, što z praviedzienym hazam «miascovaja ŭłada i arhanizacyi źviazvajuć pierśpiektyvy raźvićcia hetaj terytoryi pa stvareńni novych vytvorčaściaŭ i novych pracoŭnych miescaŭ, infrastruktury dla palapšeńnia jakaści žyćcia i zabieśpiačeńnia pracoŭnymi resursami».
U pierśpiektyvie ŭ ahraharadku Paryž i vioscy Asinaharadok skarystacca pryrodnym hazam zmohuć bolš za 80 pryvatnych domaŭładańniaŭ, 10 šmatkvaternych žyłych damoŭ, a taksama balnica, škoła, biblijateka, dom kultury, pošta.
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam3030
Kamientary