53 futbalistki admovilisia vystupać za Ispaniju z-za pacałunka kiraŭnika Fiederacyi
Prakuratura Madryda 25 žniŭnia raspačała spravu ŭ dačynieńni da kiraŭnika RFEF Łuisa Rubialesa pa padazreńni ŭ seksualnym hvałcie.
Čempijonki śvietu pa futbole admovilisia vystupać za zbornuju Ispanii da zvalnieńnia prezidenta Karaleŭskaj ispanskaj futbolnaj fiederacyi (RFEF) Łuisa Rubialesa za pacałunak futbalistki kamandy Chienifier Ermosa. Adpaviednaja zajava apublikavanaja na staroncy Asacyjacyi prafiesijnych futbalistaŭ (FUTPRO) u Twitter (pieranazvanaja ŭ Ch), piša RBK.
«Čempijonki śvietu i inšyja futbalistki vykazvajuć padtrymku Ermosa i ćviorda asudžajuć pavodziny, jakija abražajuć hodnaść žančyn», — havorycca ŭ zajavie, dzie adznačajecca, što da bajkotu mohuć dałučycca i inšyja futbalisty.
U zajavie taksama pryvodzicca cytata Ermosa: «Ja nie paciarplu taho, što maje słovy staviacca pad sumnieŭ, a tym bolš taho, što prydumlajucca słovy, jakich ja nie kazała».
Usiaho pra bajkot abviaścili 53 futbalistki.
Kiraŭnik RFEF na cyrymonii ŭznaharodžańnia paśla pieramohi nacyjanalnaj kamandy ŭ finale žanočaha čempijanatu śvietu nad Anhlijaj (1:0) mocna abniaŭ i pacałavaŭ u vusny Ermosu, čym vyklikaŭ krytyku ŭ svoj adras. Tłumačačy svaje dziejańni, Rubiales zaklikaŭ «nie źviartać uvahi na łuchtu».
Da adstaŭki 45-hadovaha Rubialesa raniej zaklikali Žanočaja futbolnaja liha Ispanii, a taksama ispanskija palityki, siarod jakich vice-premjer Jołanda Dyjas.
U čaćvier dyscyplinarny kamitet FIFA raspačaŭ spravu suprać Rubialesa. U FIFA adznačyli, što jaho dziejańni mohuć być parušeńniem art. 13 dyscyplinarnaha kodeksa, pryśviečanaha «abraźlivym pavodzinam», u pryvatnaści «parušeńniu asnoŭnych praviłaŭ hodnych pavodzin» i «pavodzinam, jakija nanosiać škodu reputacyi hetaha vidu sportu».
Prakuratura Madryda 25 žniŭnia raspačała spravu ŭ dačynieńni da kiraŭnika RFEF pa padazreńni ŭ seksualnym hvałcie. U spravie jość zajava ad samoj Ermosa, a taksama ad prezidenta Nacyjanalnaj škoły futbolnych trenieraŭ Mihiela Anchiela Hałana.
Niahledziačy na cisk, Rubiales 25 žniŭnia zajaviŭ, što nie sydzie ŭ adstaŭku. Na znak pratestu forvard «Bietysa» Borcha Ihlesijas abviaściŭ ab sychodzie z mužčynskaj zbornaj Ispanii.
Rubiales uznačalvaje RFEF z maja 2018 hoda.
Ciapier čytajuć
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»2222
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»22
«Pra ciažarnaść viedali tolki jana i jaje chłopiec». Stali viadomyja padrabiaznaści historyi ź miortvym niemaŭlom, znojdzienym u Baranavičach u pakiecie
Kamientary