U byłym «Makdonaldsie» ŭ centry Minska prybiralnia ciapier tolki dla naviedvalnikaŭ
Na praciahu ŭsiaho času isnavańnia «Makdonaldsa» ŭ Biełarusi tam zaŭsiody była biaspłatnaja prybiralnia, kudy chadziŭ chto zaŭhodna. U centralnym restaranie «Mak.by», jaki pryjšoŭ na źmienu «Makdonaldsu», zaraz trapić u prybiralniu možna tolki pa kodzie z čeka. Prynamsi, tak vynikaje z abviestki ŭ samim restaranie, piša Realt.by.
U Minsku amal usie viedajuć, što ŭ «Makdonaldsie» zaŭsiody była biaspłatnaja prybiralnia. I joj karystałasia šmat ludziej, asabliva ŭ centralnym. Pryčym biaspłatnaj jana była navat tady, kali ŭ Biełarusi možna było pić ałkahol na vulicy (da 2009 hoda), i ŭ prybiralniu «Makdonaldsa» chadzili cełyja natoŭpy.
Ale ŭ listapadzie 2022 hoda «Makdonalds» u Biełarusi začyniŭsia. Zamiest jaho ciapier pracuje sietka «Mak.by». Mieniu i smak straŭ u novaj sietki vielmi padobnyja da «Makdonaldsa».
Ale jość adno adroźnieńnie: ciapier na dźviarach visić abjava,
ź jakoj vynikaje, što patrapić u prybiralniu možna tolki z dapamohaj koda, jaki napisany ŭ čeku. Praz supracoŭnika taksama možna trapić u prybiralniu, ale tolki kali vy zhubili ček (takim čynam — jon u vas byŭ). Inšych scenaroŭ, naprykład, prosta paprasić, ničoha nie kuplajučy, nie praduhledžana. Atrymlivajecca — prybiralnia tolki dla naviedvalnikaŭ.
U tym ža «Makdonaldsie» ŭ niekatorych krainach prybiralnia pa kodzie — heta norma. Tak, naprykład, u Litvie. Ale ŭ Biełarusi ŭ 2017 hodzie pryniaty dekret Łukašenki, zhodna ź jakim kafe abaviazanyja puskać u prybiralniu dla naviedvalnikaŭ usich achvotnych.
Jak vynikaje, pavodle zakanadaŭstva ŭ prybiralniu ŭ «Mak.by» pavinny puścić navat nie naviedvalnika, ale dla hetaha treba źviarnucca da supracoŭnika ŭstanovy. U abjavie ž heta nie prapisana.
Ciapier čytajuć
Na aŭtašou ŭ Lidzie ledź nie zahinuŭ adzin z samych znakamitych kaskadzioraŭ Biełarusi — jaho videa bačyli amal paŭmiljarda čałaviek. Što ź im ciapier?
Kamientary