«Vaša baraćba — naša baraćba, my nie pakiniem vas adnych». Kiraŭnica Jeŭraparłamienta źviarnułasia da biełarusaŭ
«Biełaruski narod maje volna žyć u demakratyi, svabodzie i miry, — zajaviła prezident Jeŭrapiejskaha parłamienta Rabierta Mietsoła ŭ videazvarocie z nahody treciaj hadaviny falsifikavanych prezidenckich vybaraŭ u Biełarusi. — Być svabodnym ad aŭtakratyi, pryhniotu, žorstkaści».
Pavodle słoŭ jeŭračynoŭnicy, Jeŭropa na baku biełarusaŭ.
«Baraćba za demakratyčnuju Biełaruś žyvaja. Vaša baraćba — naša baraćba, my nie pakiniem vas adnych», — zajaviła Mietsoła.
U paviedamleńni, jakoje supravadžaje apublikavany ŭ tvitary videarolik, kiraŭnica Jeŭraparłamienta adznačyła, što «try hady tamu biełaruski narod abraŭ dla svajoj krainy novy viektar», aryjentavany na «svabodu, suvierenitet i demakratyju».
«Zamiest hetaha jon sutykajecca z palityčnymi pieraśledami, pahrozami i turemnym źniavoleńniem. Jeŭropa rašuča vystupaje na baku naroda Biełarusi. A Łukašenka pavinien być pryciahnuty da adkaznaści», — napisała Mietsoła.
«Ja staju tut, tamu što ja ŭsio jašče chaču havaryć». Byłaja palitźniavolenaja praviała adzinočny pikiet u Vilni
«Iści napierad ź luboŭju da tych, chto idzie pobač, i ź vieraj u tych, chto budzie paśla nas». Cichanoŭskaja źviarnułasia da biełarusaŭ u Dzień Salidarnaści
Prezident Litvy sustreŭsia sa Śviatłanaj Cichanoŭskaj i jaje kamandaj
Śpievaka z «Marafonu adzinstva» asudzili za palityku — pryhadali kamientary 2020-ha. Baranić u sud jaho chadzili siostry Hruździevy16
Kamientary