Ułady płanujuć uvieści śpis vidaŭ dziejnaści, jakimi mohuć zajmacca IP. Sam śpis pakul abmiarkoŭvajecca, ale Ministerstva ekanomiki padličyła, kolki IP źmieny zakranuć.
Pavodle acenak Minekanomiki, zharnuć biznes albo pieraaformicca ŭ jurydyčnuju asobu buduć vymušanyja 49 tysiač ipešnikaŭ. Raniej viedamstva mierkavała, što reforma zakranie 100 tysiač, pryvodzić ličby Biznes-sajuz pradprymalnikaŭ i najmalnikaŭ imia Kuniaŭskaha.
U IP, čyje vidy dziejnaści nie trapiać u dazvoleny pieralik, budzie 2-hadovy pieryjad, na praciahu jakoha jany zmohuć praciahvać biznes. Dalej pryjdziecca zrabić vybar: spynić pracu albo stvaryć jurydyčnuju asobu. U druhim vypadku prapanujuć sproščany paradak pierarehistracyi, jaki zabiaśpiečyć pierachod usich pravoŭ i abaviazacielstvaŭ ad indyvidualnaha pradprymalnika da jurydyčnaj asoby. Siarod opcyj — mahčymaść zarehistravać firmu pa miescy žycharstva abo rehistracyja bieź źmianieńnia koštu kamunalnych pasłuh, što vypłačvajucca ŭłaśnikam žyłoha pamiaškańnia.
Čakajecca, što prajekt zakona «Ab źmianieńni zakonaŭ pa pytańniach pradprymalnickaj dziejnaści» budzie razhledžany Parłamientam u vieraśni ŭ druhim čytańni.
Ciapier čytajuć
Pieršaha namieśnika hiendyrektara «Biełviesta» pasadzili na try z pałovaj hady za palityku4
Pieršaha namieśnika hiendyrektara «Biełviesta» pasadzili na try z pałovaj hady za palityku
«Ja nie śviataja, ale ŭ mianie nie było nadziejnaha plača pobač»: maci Ksiušy z SMA mohuć pazbavić baćkoŭskich pravoŭ, jana ž davodzić, što zdolnaja vypravicca1616
Kamientary