Na terytoryi Kujbyšaŭskaha naftapierapracoŭčaha zavoda ŭ Samary adbyŭsia vybuch. Pra heta paviedamiŭ kiraŭnik kamiteta Dziarždumy pa infarmacyjnaj palitycy Alaksandr Chinštejn.
Pavodle papiaredniaj viersii, na zavodzie było zakładziena vybuchovaje prystasavańnie, napisaŭ deputat. Surjoznych razbureńniaŭ, a taksama paciarpiełych niama.
Paźniej Chinštejn dadaŭ, što mierkavanaha arhanizatara vybuchu zatrymali ŭ Arenburhskaj vobłaści supracoŭniki FSB pry sprobie vyjechać z Rasii. «Pavodle papiaredniaj infarmacyi, zatrymany źjaŭlajecca rabotnikam KNPZ. Raniej jon pierajechaŭ u Rasiju z terytoryi Ukrainy», — napisaŭ deputat.
Jak piša Baza, zatrymany pracavaŭ na zavodzie elektrykam. Na kamierach videanazirańnia nibyta było vidać, jak jon zajšoŭ na terytoryju zavoda z pakietam, a vyjšaŭ bieź jaho. Pavodle viersii śledstva, mužčyna zakłaŭ samarobnuju vybuchoŭku pamieram 20ch40 santymietraŭ.
Zatrymany naradziŭsia va ŭkrainskim horadzie Iziasłaŭ, ale žyŭ i byŭ zarehistravany ŭ Ciumieni, udakładniaje Baza.
Kujbyšaŭski NPZ raźmieščany prykładna z 11 km ad centra Samary. Zavod naležyć «Rasnafcie». Na im vyrablajuć matornaje paliva i aciaplalny mazut.
Ciapier čytajuć
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ24
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ
Jaje nie chacieli brać u muzyčnuju škołu, a ŭ 14 jana syhrała ŭ Karniehi-chole ŭ Ńju-Jorku. Biełaruskaja skrypačka — pra žyćcio ŭ Łondonie, zarobki i čym skrypka Stradyvary za 14 miljonaŭ jeŭra adroźnivajecca ad zvyčajnaj1313
Kamientary