Žychara Kamianca siłaj prymusili pazbavicca «kramolnych» tatuirovak
Videa, na jakim žychar Kamianca pa imieni Siarhiej havoryć pra toje, što ŭ jaho jość niekalki «kramolnych» tatuirovak, i jon abaviazujecca ich źvieści, źjaviłasia ŭ adnym z praŭładnych kanałaŭ, piša «Viasna».
Na videa chłopiec «pryznajecca» ŭ tym, što ŭ jaho jość niekalki tatuirovak z tekstam ACAB, a taksama na šyi jość tatuiroŭka hierba «Pahonia». U tym ža videa chłopiec skazaŭ pra hetyja tatuiroŭki: «Abaviazujusia źvieści ci pierakryć».
Paźniej źjaviłasia novaja publikacyja pra Siarhieja. Na fota bačna, što ŭsie tatu (u tym liku «Pahonia») pierabityja novymi tatuiroŭkami, jakija zroblenyja na raniejšych. U svaim kamientaryi siłaviki adznačyli, što chłopiec zrabiŭ heta adrazu ž paśla IČU.
Raniej siońnia źjaviłasia infarmacyja, što toje ž prymusili zrabić dziaŭčynu.
Kamientary