17-hadovaha svajaka Jakuba Kołasa asudzili za ŭdzieł u «ekstremisckim farmavańni»
U Minskim abłasnym sudzie vynieśli prysud 17-hadovamu žycharu Staŭbcoŭskaha rajona Mikitu Bruju, jakoha abvinavacili ŭ naŭmysnych dziejańniach pa reabilitacyi nacyzmu i sadziejničańni ekstremisckaj dziejnaści (č. 1 art. 130-1, č. 1 i č. 2 art. 361-1 KK). Sudździa Viktoryja Palaščuk pryznačyła chłopcu try hady pazbaŭleńnia voli z adbyvańniem u vychavaŭčaj kałonii, paviedamlaje «Viasna».
U listapadzie 2022 hoda dziaržkanały paviedamili ab zatrymańni piaciarych udzielnikaŭ zakrytaha čata «Sajuz biełaruskaha nacyjanalnaha ščyta» (SBNŠ), pryznanaha «ekstremisckim farmavańniem». Adzin z zatrymanych, akurat Mikita Bruj, tady raskazaŭ na kamieru, što ŭstupiŭ čat pa zaprašeńni znajomaha, a zadačaj hrupy była padrychtoŭka da «budučaj partyzanskaj vajny».
Mikita Bruj — stryječny praŭnuk narodnaha piśmieńnika Biełarusi Jakuba Kołasa, vučyŭsia ŭ siaredniaj škole ŭ vioscy Mikałajeŭščyna. Jahonaja prababula — rodnaja siastra Jakuba Kołasa Maryja Bruj.
Za dva tydni da zatrymańnia dziaržaŭnyja miedyja rabili pra Mikitu materyjał. Jon tady raspavioŭ, jak rychtujecca da 140-hadovaha jubileju z dnia narodzinaŭ Jakuba Kołasa:
«Kožny hod u listapadzie ŭ čas «Kałasavin» ja, jak stryječny praŭnuk Jakuba Kołasa, bolš čym kali dumaju pra svajho znakamitaha rodziča, asensoŭvaju pračytanyja tvory, raspytvaju ŭ maci, što jana pamiataje ź dziacinstva, čutaje ad babuli Maryi — małodšaj siastry paeta.
Zaŭždy doma panuje śviatočny nastroj: ja raskładvaju na svaim stale knihi, hartaju «Novuju ziamlu» i mižvoli va ŭjaŭleńni malujucca piejzažy rodnaha kraju, jaki lubiŭ Jakub Kołas, i jaki praź jahonyja tvory palubiŭ ja».
Ciapier čytajuć
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ14
Kamientary