Vychavalnicy — na 15 rubloŭ, nianiečki — pa 10. Jak vykonvajuć płan pa prymusovaj padpiscy ŭ lidskich dziciačych sadach
Padpisčyk lidskaha telehram-kanała «Hołas hordaha Hiedymina» raśpisaŭ, pa jakoj schiemie ciapier robicca prymusovaja padpiska na dziaržaŭnyja drukavanyja vydańni ŭ dziciačych sadach Lidy.
Pavodle hetaha śviedčańnia, ciapier vydańniaŭ, na jakija prymušajuć padpisvacca supracoŭnikaŭ lidskich dziciačych sadoŭ, try. Heta «Nastaŭnickaja hazieta» (košt adnoj padpiski 65 rubloŭ), «SB-Biełaruś siehodnia» (47 rubloŭ) i «Hrodnienskaja pravda» (36 rubloŭ). Miascovaja rajonka, na dziva, u hety pieralik nie ŭvachodzić.
Hrošy źbirajuć z usich, uklučajučy fizrukoŭ i nastaŭnikaŭ muzyki, usio dziela spravazdačnaści na papiery. Vychavalnicy musiać zdać pa 15 rubloŭ, a nianiečki — pa 10. Pry hetym kožny kvartał «padpisčyki» mianiajucca. Hetak robicca i dla palahčeńnia nahruzki, i dla demanstracyi «pašyreńnia aŭdytoryi».
Kamientary