Na sajcie «Bielurzabieśpiačeńnie» znoŭ raźmiaścili abjavu ab prodažy trochpakajovaj kvatery Siarhieja Cichanoŭskaha na praśpiekcie Niezaležnaści 137/2 u Minsku. Heta ŭžo treciaja sproba, a cana źmianšajecca.
Upieršyniu kvatera Śviatłany i Siarhieja Cichanoŭskich była vystaŭlenaja na prodaž u śniežni 2022 hoda, ale tady tarhi byli skasavanyja praz pastanovu sudovaha vykanaŭcy. Druhi aŭkcyjon pavinien byŭ adbycca 6 sakavika, ale achvotnych kupić kvateru tak i nie znajšłosia.
Ciapier robicca novaja sproba, i košt kvatery hetym razam źnizili: z 214,9 tysiačy da 171,9 tysiačy rubloŭ. Aŭkcyjon pryznačany na 26 lipienia.
U abviestcy adznačajecca, što ŭ kvatery majucca zarehistravanyja asoby, u tym liku niepaŭnaletnija, adpaviedna jość abmiežavańni ŭ rasparadžeńni, ale abiacajuć, što jany «buduć źniatyja adździełam prymusovaha vykanańnia pa vynikach prodažu łota».
Siarhiej Cichanoŭski ciapier adbyvaje 18-hadovy termin u kałonii ŭzmocnienaha režymu, a Śviatłanie Cichanoŭskaj, jakaja znachodzicca za miažoj, zavočna vynieśli prysud u 15 hadoŭ.
Cichanoŭskaja atrymała ananimnaje paviedamleńnie pra śmierć svajho muža
Dačka Cichanoŭskich źbiraje hrošy na tank, kab «vyzvalić tatu»
«Niama na jaho artykuła — treba prydumać i pasadzić nadoŭha. Chaj zdochnie tam!» Jak try hady tamu zatrymali Cichanoŭskaha i chto addavaŭ zahady
«Ja nie viedaju, ci jon žyvy». Cichanoŭskaja zapisała zvarot z nahody treciaj hadaviny zatrymańnia jaje muža Siarhieja
Ciapier čytajuć
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii9
Kamientary
Navat na NN niekatoryja nojuć što "ničoha nie źmienicca", chachacha