Cichanoŭskaja atrymała ananimnaje paviedamleńnie pra śmierć svajho muža
Śviatłana Cichanoŭskaja nie atrymlivała źviestak ad svajho muža Siarhieja try miesiacy. A ciapier druhi raz z pačatku hoda da jaje danieśli čutki pra jahonuju śmierć.
Učora ŭ internecie znoŭ stali źjaŭlacca ananimnyja źviestki pra śmierć Siarhieja Cichanoŭskaha.
«Siońnia ja atrymała vielmi dziŭnaje i žachlivaje paviedamleńnie. Nieviadomy napisaŭ, što moj muž Siarhiej pamior u turmie Žodzina. Niama nijakich dokazaŭ na karyść hetaha śćviardžeńnia. Heta nie pieršy raz, kali raspaŭsiudžvajucca padobnyja čutki, i ja nie viedaju, jak heta prakamientavać. Ja ničoha nie čuła pra Siarhieja z 9 sakavika, i advakatam admovili ŭ dostupie da jaho», — napisała palityk u tvitary.
Takija ž čutki źjavilisia ŭ lutym. Tady advakatku puścili da Siarhieja. I toj navat z humaram prakamientavaŭ hetu historyju.
«Jak rekłamščyka, mianie taki pijar zadavalniaje», — skazaŭ Siarhiej.
Siońnia šmat palitviaźniaŭ i ich siemjaŭ prachodziać katavańnie nieviadomaściu. Pra Viktara Babaryku ničoha nieviadoma bolš za dva miesiacy, pra Mikałaja Statkieviča — bolš za 4 miesiacy.
-
Brescki školnik pieramoh u Mižnarodnaj hieahrafičnaj alimpijadzie. Jaho mama raskazała, jak vyraścili hienija
-
Top-śpiecyjalistku pa markietynhu z MTBanka asudzili za ŭdzieł u pratestach
-
Lehiendarnaja žurnalistka Luboŭ Łuniova raskazała pra Viktara Łukašenku i adnakurśnikaŭ, stvareńnie «Viasny» i palityčny bamond
Ciapier čytajuć
Lehiendarnaja žurnalistka Luboŭ Łuniova raskazała pra Viktara Łukašenku i adnakurśnikaŭ, stvareńnie «Viasny» i palityčny bamond18
Kamientary