30 červienia ŭ Minskim jeparchijalnym upraŭleńni adbyłasia sustreča kiraŭnika BPC Maskoŭskaha patryjarcha, Mitrapalita Minskaha i Zasłaŭskaha Vienijamina sa śpiecyjalnym pasłańnikam Papy Rymskaha, prefiektam Dykasteryi pa spravach Uschodnich cerkvaŭ archijepiskapam Kłaŭdya Hudžeroci i Apostalskim nuncyjem u našaj krainie archijepiskapam Ante Jozičam.
U chodzie hutarki baki abmierkavali pytańni ŭzajemadziejańnia BPC i Rymska-Katalickaha Kaścioła ŭ Respublicy Biełaruś, jak paviedamlaje prses-słužba BPC. Inšyja padrabiaznaści nie pryvodziacca.
Kłaŭdya Hudžeroci prybyŭ u Biełaruś 28 červienia. Jaho Papa delehavaŭ na ŭračystaści ŭ Budsłaŭ z nahody 25-hodździa karanacyi cudadziejnaha abraza Maci Božaj Budsłaŭskaj, jakija adznačajucca 30 červienia i 1 lipienia.
67-hadovy vatykanski ijerarch dobra viadomy biełaruskim viernikam, bo z 2011 pa 2015 hod byŭ apostalskim nuncyjem u našaj krainie. U toj čas jon nieadnarazova braŭ udzieł u Budsłaŭskim feście. Taksama Kłaŭdya Hudžeroci spryčyniŭsia da viartańnia ŭ krainu Tadevuša Kandrusieviča, jakoha ŭłady ŭ 2020 hodzie nie puskali nazad.
Nuncyj Hudžeroci nieadnarazova maliŭsia na Dziady ŭ Kurapatach, a kali byŭ nuncyjem u Vialikabrytanii, pieryjadyčna naviedvaŭ Biełaruskuju biblijateku imia Skaryny ŭ Łondanie.
Ciapier čytajuć
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha1313
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha13
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam5656
Kamientary