«Ludzi, armija, narod nie byli ź miaciežnikami». Pucin vystupiŭ pierad vajskoŭcami, jakija «spynili ŭzbrojeny miaciež»
Prezident Rasii Uładzimir Pucin siońnia vystupiŭ pierad vajskoŭcami i pravaachoŭnikami, jakija «dapamahali spynić uzbrojeny miaciež».
Vystup Uładzimira Pucina pierad vajskoŭcami 27 červienia. Skryn videa
U sustrečy z Pucinym udzielničali bolš za 2,5 tysiačy vajskoŭcaŭ, pravaachoŭnikaŭ i pradstaŭnikoŭ inšych siłavych struktur.
Pucin byŭ łakaničnym. Voś jaho hałoŭnyja cytaty.
«Vy faktyčna spynili hramadzianskuju vajnu, dziejničali akuratna i zładžana».
«Ludzi, armija, narod nie byli ź miaciežnikami».
«Zahinułyja lotčyki z honaram vykanali svoj abaviazak 24 červienia».
Kolkaść zahinułych lotčykaŭ jon nie nazvaŭ.
Na sustreču taksama pryjechaŭ ministr abarony Siarhiej Šajhu, adstaŭka jakoha nibyta, pavodle miedyja, uvachodziła ŭ pakiet damovy ź Jaŭhienam Pryhožynym.
- 23 červienia Pryhožyn abviaściŭ, što idzie «na Maskvu», bo nie choča, kab Rasija žyła «ŭ karupcyi i chłuśni». Jon zaklikaŭ nie supraciŭlacca najmitam, inakš jany buduć źniščać usich, chto im budzie zaminać.
- Užo ranicaj «vahnieraŭcy» ŭziali pad kantrol častku vajskovych abjektaŭ Rastova-na-Donie i vysunulisia ŭ bok Maskvy, prajšoŭšy Varoniežskuju, Lipieckuju i Tulskuju vobłaści.
- U Rasii raspačali suprać jaho kryminalnuju spravu, Pucin nazvaŭ miaciež zdradaj, a ŭ Maskvie i vobłaści ŭviali režym kontrterarystyčnaj apieracyi.
- Adnak užo ŭviečary Pryhožyn abviaściŭ, što razvaročvaje kałony i idzie nazad. U Kramli zajavili, što spravu suprać jaho zakryjuć, sam vierchavod PVK «pojdzie ŭ Biełaruś». Taksama jany paabiacali nie pieraśledavać jaho najmitaŭ. Heta stała nibyta śledstvam pieramovaŭ Pryhožyna z Alaksandram Łukašenkam. Taksama stała viadoma, što kałony PVK «Vahnier» mohuć pajści ŭ Biełaruś.
- Dakładnaha paćviardžeńnia hetamu pakul niama, chacia bort Pryhožyna siońnia pryziamliŭsia ŭ Mačuliščach.
Ciapier čytajuć
«Usio tak ci inakš budzie vyrašacca na poli boju». Čym budzie zajmacca novaja kiraŭnica Misii demakratyčnaj Biełarusi va Ukrainie?13
Kamientary