42-hadovy płyviec-amatar, pažarny-vyratavalnik pa prafiesii Ien Chjuz startavaŭ u aŭtorak z anhlijskaha Duŭra. U toj ža dzień francuzski vyratavalny centr la Kale atrymaŭ paviedamleńnie pra jaho źniknieńnie.
42-hadovy Ien Chjuz startavaŭ u aŭtorak z anhlijskaha Duŭra. U toj ža dzień francuzski vyratavalny centr la Kale atrymaŭ paviedamleńnie pra jaho źniknieńnie, jak piša Bi-bi-si.
Ułady Francyi i Bielhii tut ža razharnuli pošukavuju apieracyju, u jakoj udzielničali francuzskija patrulnyja katary i viertaloty francuzskich i bielhijskich vajenna-marskich sił.
Chjuza, adnak, nie znajšli, i ŭ sieradu francuzskija ŭłady zharnuli pošuki.
Arhanizacyja, jakaja adsočvaje pierasiačeńnia praliva, — Fiederacyja płyŭcoŭ i piłotaŭ Ła-Manša — u sieradu «z hłybokim škadavańniem» abviaściła, što pošuki Chjuza nie ŭviančalisia pośpiecham.
U sieradu ŭviečary aficyjnuju zajavu ab tym, što Ien Chjuz prapaŭ bieź viestak, vypuściła i pažarnaja słužba rehijona Uest-Midlends, dzie jon słužyć z 19 hadoŭ.
«Niahledziačy na pošuki z udziełam francuzskaha i bielhijskaha vajskovych viertalotaŭ plus vajskovych i palicejskich patrulnych kataraŭ, miescaznachodžańnie Iena zastajecca nieviadomym», — havorycca ŭ zajavie.
Šyrynia Ła-Manša ŭ samym vuzkim miescy — 34 kiłamietry, i jaho pieraadoleńnie zajmaje ŭ płyŭcoŭ ad siami da 27 hadzin.
Svaim zapłyvam Ien Chjuz płanavaŭ sabrać 21 tysiaču funtaŭ achviaravańniaŭ dla miedycynskich i pažarnych słužbaŭ.
U paviedamleńniach presy havorycca, što z Duŭra Ien Chjuz adpraviŭsia ŭ zapłyŭ u supravadžeńni łodki abo katara padtrymki, ale ŭ jaki momant jany rasstalisia, nie paviedamlajecca.
Za 150 hadoŭ padobnych zapłyvaŭ Ła-Manš pierasiekli ŭžo kala dziesiaci tysiač čałaviek. Zahinuli pry sprobie pierapłyści praliŭ dziesiać čałaviek.
Ciapier čytajuć
Litva znoŭ začyniła miažu ź Biełaruśsiu — iznoŭ šary z kantrabandaj14
Kamientary