U Mahilovie dzieci katalisia na płycie — dzieviacihadovy chłopčyk patanuŭ
Trahiedyja zdaryłasia dniom 20 červienia ŭ zalivie Dniapra, pablizu handlovaha centra «Je-sici», paviedamlaje MNS.
Kampanija dziaciej, siarod jakich byli dva braty (13-ci i 9-ci hadoŭ) kupalisia ŭ zalivie i katalisia na impravizavanym draŭlanym płycie, zroblenym z došak.
Małodšy z bratoŭ zvaliŭsia z płyta ŭ vadu i pačaŭ tanuć, bo nie ŭmieŭ płavać. Starejšy brat, nie zdoleŭšy akazać dapamohu, vyjšaŭ na bierah i nabraŭ numar ratavalnikaŭ. Dzieci, jakija kupalisia ź imi, uciakli.
Vadałazy dastali dzicia z vady i pieradali rabotnikam chutkaj dapamohi. Chłopčyka špitalizavali ŭ abłasnuju dziciačuju balnicu, dzie daktary niekalki hadzin zmahalisia za jaho žyćcio. Na žal, vyratavać dzicia nie ŭdałosia.
Kamientary