Parłamient Finlandyi 107 hałasami suprać 81 padtrymaŭ kandydaturu Pietery Orpa (Kaalicyjnaja partyja) u jakaści novaha premjer-ministra krainy.
Orpa ŭ karotkaj pramovie padziakavaŭ deputatam za akazany davier.
Prezident Saŭli Niiniste pavinien aficyjna pryznačyć novaha premjer-ministra. Jak paviedamlaje Yle.fi, 77-y ŭrad Finlandyi pačnie pracu siońnia.
Kaalicyjnaja partyja abrała ŭčora Elinu Vałtanien na pasadu ministra zamiežnych spraŭ i Anty Kajkaniena na pasadu ministra abarony.
Pa słovach Vałtanien, bolš ciesnyja adnosiny z ZŠA stanuć adnym sa stratehičnych pryjarytetaŭ novaha ŭrada, a siabroŭstva ŭ NATO adkryje dla Finlandyi novyja mahčymaści dla źniešniaha handlu ŭ halinie technałohij i abaronnaj pramysłovaści.
— Siońnia vielmi važna ŭ sacyjalnym i kulturnym płanie naładžvać jeŭrapiejska-transatłantyčnyja adnosiny, — kaža Vałtanien.
Kajkanien, u svaju čarhu, padkreśliŭ važnaść umacavańnia dvuchbakovaha supracoŭnictva ŭ halinie biaśpieki nie tolki z ZŠA, ale i ź Vialikabrytanijaj.
U pačatku krasavika Sana Maryn padała ŭ adstaŭku paśla parazy na vybarach.
Kaalicyjnaja partyja — pravacentrysckaja finskaja partyja, pieršaja partyja Finlandyi pa kolkaści deputataŭ. Pietery Orpa — jaje staršynia.
Kaalicyjnaja partyja 2 krasavika pieramahła na parłamienckich vybarach z 20,8% hałasoŭ, a taksama atrymała 48 deputackich miescaŭ u finskim parłamiencie.
Pietery Orpa naradziŭsia ŭ 1969 hodzie ŭ Chielsinki. U minułym — ministr finansaŭ (2016—2019), ministr unutranych spraŭ (2015—2016), ministr sielskaj i lasnoj haspadarki (2014—2015).
Ciapier čytajuć
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho6
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho
«U mianie tolki adna mara — viarnuć svajho Dzimku». Maci byłoha palitviaźnia Dźmitryja Hopty raskazvaje pra novuju biadu syna. I prosić zamaŭlać u jaje bolš tortaŭ, kab spravicca1010
Kamientary