Sienat ZŠA zabłakavaŭ prodaž «Chajmarsaŭ» dla Vienhryi za supraćdzieńnie ŭstupleńniu Šviecyi ŭ NATA
Hałoŭny respublikaniec u Kamitecie pa mižnarodnych adnosinach Sienata ZŠA Džejms Ryš zabłakavaŭ prodaž amierykanskaj zbroi Vienhryi na sumu 735 miljonaŭ dalaraŭ u pakarańnie za toje, što jana nie ŭchvalaje zajaŭku Šviecyi ŭ NATA.
U zajavie dla vydańnia The Washington Post Ryš skazaŭ, što Vienhryja pavinna dazvolić Šviecyi ŭstupić u NATA, kali jana choča atrymać pakiet uzbrajeńniaŭ, jaki ŭklučaje 24 batarei rakietnych ustanovak «Chajmars», a taksama bolš za 100 rakiet i błokaŭ razam z adpaviednymi častkami i padtrymkaj.
«Na praciahu niekatoraha času ja naŭprost vykazvaŭ svaju zaniepakojenaść vienhierskamu ŭradu ŭ suviazi ź jaho admovaj prasoŭvać hałasavańnie za ŭstupleńnie Šviecyi ŭ NATA», — skazaŭ sienatar.
«Pakolki ciapier červień, a heta jašče nie zroblena, ja vyrašyŭ, što prodaž novaj vajskovaj techniki ZŠA ŭ Vienhryju budzie prypynieny», — dadaŭ Ryš.
Šviecyja i Finlandyja padali zajaŭki na siabroŭstva ŭ NATA ŭ minułym hodzie, ale zajaŭku Šviecyi ŭsio jašče nie ŭchvalili Vienhryja i Turcyja, jakija za svaju zhodu chočuć atrymać istotnyja palityčnyja sastupki.
Ciapier čytajuć
Pieršaha namieśnika hiendyrektara «Biełviesta» pasadzili na try z pałovaj hady za palityku4
Pieršaha namieśnika hiendyrektara «Biełviesta» pasadzili na try z pałovaj hady za palityku
«Ja nie śviataja, ale ŭ mianie nie było nadziejnaha plača pobač»: maci Ksiušy z SMA mohuć pazbavić baćkoŭskich pravoŭ, jana ž davodzić, što zdolnaja vypravicca1616
Kamientary