Hryf, jaki zabivaje biełaruskich buślaniat, prylacieŭ z Rasii — «Narodnyja naviny Viciebska»
Viciebskaje rehijanalnaje vydańnie «Narodnyja naviny Viciebska» śćviardžaje, što biełahałovy sip (drapiežnaja ptuška z rodu hryfaŭ), jaki niščyć buślaniat na ŭschodzie Viciebščyny, prylacieŭ tudy z Rasii. Pierad źjaŭleńniem u Biełarusi jaho bačyli na Smalenščynie.
Mnohich mučyć pytańnie, adkul u Biełarusi źjaviŭsia hety ekzatyčny drapiežnik. Navat vykazvalisia abvinavačańni ŭ bok Hrodzienskaha zaaparka — nibyta hryf moh źbiehčy adtul. Zaapark ža apraŭdvaŭsia i pierakonvaŭ, što ichniaja ptuška na miescy.
Urešcie akazałasia, što krychu raniej biełahałovaha sipa bačyli ŭ rasijskaj Smalenskaj vobłaści, ź jakoj akurat miažuje Loźnienski rajon.
Ptušku sfatahrafavali na budynku škoły ŭ vioscy Kazulina Safonaŭskaha rajona, zdymak byŭ vykładzieny ŭ sacsietki.
Charakterna, što, jak i ŭ Biełarusi, u Rasii ptušku sfatahrafavali na dachu ekspłuatavanaha budynka, ludziej jana nie bajałasia. U supołcy «Ptuški Smalenskaj vobłaści» zapeŭnivajuć, što, miarkujučy pa takich pavodzinach, biełahałovy sip moh raniej žyć u zaaparku abo reabilitacyjnym centry, a mahčyma, u kahości ŭ pryvatnym paradku. Tamu ptušcy, jakaja ŭtrymlivałasia ŭ niavoli, nieabchodny asablivy dohlad, charčavańnie i inšaje.
Adlehłaść pamiž Kazulinam u Safonaŭskim rajonie Rasii i Vychadcami ŭ našym Loźnienskim — 190 kiłamietraŭ.
Ciapier, pavodle niepaćvierdžanych źviestak «Narodnych navin Viciebščyny», hryf pieramiaściŭsia ŭ Aršanski rajon. Paviedamlajecca, što biełahałovy sip razburyŭ hniazdo busłoŭ u ahraharadku Łaryjonaŭka kala samaj Oršy — heta za 35 kiłamietraŭ ad Vychadcaŭ.
Ź vialikaj upeŭnienaściu možna kazać, što i ŭ Smalenskaj vobłaści Rasii, i ŭ Viciebskaj vobłaści Biełarusi nazirajuć adnu i tuju ž ptušku. Małaimavierna, što tut źjavilisia adrazu dźvie asobiny takoha vielmi ekzatyčnaha vidu, jak sip biełahałovy.
Pamiatajecie palitviaźnia Vituchnoŭskaha, jaki pajšoŭ vajavać za Rasiju? Jon užo zahinuŭ9
Pamiatajecie palitviaźnia Vituchnoŭskaha, jaki pajšoŭ vajavać za Rasiju? Jon užo zahinuŭ
«Siomaja DNK-ekśpiertyza paćvierdziła: Alaksiej ź biełaruskaj vioski Rymucieŭcy — baćka Chansa». Jak narviežac znajšoŭ baćku-biełarusa praz 78 hadoŭ77
Kamientary