Грыф, які забівае беларускіх буслянят, прыляцеў з Расіі — «Народныя навіны Віцебска»
Віцебскае рэгіянальнае выданне «Народныя навіны Віцебска» сцвярджае, што белагаловы сіп (драпежная птушка з роду грыфаў), які нішчыць буслянят на ўсходзе Віцебшчыны, прыляцеў туды з Расіі. Перад з'яўленнем у Беларусі яго бачылі на Смаленшчыне.
Многіх мучыць пытанне, адкуль у Беларусі з'явіўся гэты экзатычны драпежнік. Нават выказваліся абвінавачанні ў бок Гродзенскага заапарка — нібыта грыф мог збегчы адтуль. Заапарк жа апраўдваўся і пераконваў, што іхняя птушка на месцы.
Урэшце аказалася, што крыху раней белагаловага сіпа бачылі ў расійскай Смаленскай вобласці, з якой акурат мяжуе Лёзненскі раён.
Птушку сфатаграфавалі на будынку школы ў вёсцы Казуліна Сафонаўскага раёна, здымак быў выкладзены ў сацсеткі.
Характэрна, што, як і ў Беларусі, у Расіі птушку сфатаграфавалі на даху эксплуатаванага будынка, людзей яна не баялася. У суполцы «Птушкі Смаленскай вобласці» запэўніваюць, што, мяркуючы па такіх паводзінах, белагаловы сіп мог раней жыць у заапарку або рэабілітацыйным цэнтры, а магчыма, у кагосьці ў прыватным парадку. Таму птушцы, якая ўтрымлівалася ў няволі, неабходны асаблівы догляд, харчаванне і іншае.
Адлегласць паміж Казулінам у Сафонаўскім раёне Расіі і Выхадцамі ў нашым Лёзненскім — 190 кіламетраў.
Цяпер, паводле непацверджаных звестак «Народных навін Віцебшчыны», грыф перамясціўся ў Аршанскі раён. Паведамляецца, што белагаловы сіп разбурыў гняздо буслоў у аграгарадку Ларыёнаўка каля самай Оршы — гэта за 35 кіламетраў ад Выхадцаў.
З вялікай упэўненасцю можна казаць, што і ў Смаленскай вобласці Расіі, і ў Віцебскай вобласці Беларусі назіраюць адну і тую ж птушку. Малаімаверна, што тут з'явіліся адразу дзве асобіны такога вельмі экзатычнага віду, як сіп белагаловы.
Цяпер чытаюць
У базе сілавікоў «БЕСпарадкі» больш за 100 тысяч чалавек20
У базе сілавікоў «БЕСпарадкі» больш за 100 тысяч чалавек
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
Каментары