Prezident Hruzii prapanuje adpuścić Saakašvili z elektronnym branzaletam
Zurabišvili kaža, što jaje turbuje naniasieńnie škody imidžu Hruzii na Zachadzie.
Hruzinski prezident Sałame Zurabišvili ličyć, što ŭmovy ŭtrymańnia Michaiła Saakašvili treba źmiakčyć, adpuściŭšy jaho z elektronnym branzaletam. Pra heta Zurabišvili skazała ŭ intervju France 24.
Na dumku Zurabišvili, Saakašvili treba zabiaśpiečyć dobraje staŭleńnie — «takoje, jak abychodziacca z mnohimi inšymi prezidentami va ŭsim śviecie, jakija byli prysudžanyja da turemnaha źniavoleńnia».
«Jość elektronnyja branzalety, pra jakija my viedajem, i inšyja formy, jakija bolš padychodziać krainie, jakaja dałučajecca da ES», — dadała jana.
Prezident Hruzii ŭchiliłasia ad adkazu na pytańnie, ci padtrymlivaje jana pamiłavańnie Saakašvili.
«Jany [zachodnija dziaržavy] padkreślivajuć škodu, jakuju ŭsia hetaja situacyja nanosić imidžu Hruzii na Zachadzie. Mianie heta turbuje, i ja šmat rablu, kab palehčyć hetuju situacyju. Ale škoda była naniesiena rašeńniami, pryniatymi ŭradam, i amnistyja nasamreč — nie toje, što pakryje hetuju škodu», — ličyć jana.
Eks-prezident Saakašvili pryjechaŭ u Hruziju 1 kastryčnika 2021 hoda i adrazu byŭ aryštavany, apošnim časam stan jaho zdaroŭja značna pahoršaŭ.
Ciapier čytajuć
Pasiarod iranskich bambiožak Dubaja Kirył Rudy pierabraŭsia z Emirataŭ u ZŠA: «Rady złučać kantynienty! Nie saromiejciesia da mianie źviartacca»2
Pasiarod iranskich bambiožak Dubaja Kirył Rudy pierabraŭsia z Emirataŭ u ZŠA: «Rady złučać kantynienty! Nie saromiejciesia da mianie źviartacca»
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»99
Kamientary
Dzie tam Smoŭž, katory raspaviadaŭ, što prezidentka nijak nie moža paŭpłyvać na ŭmovy Saakašvili.