Kim Ketrał (Samanta) usio ž taki zdymiecca ŭ praciahu filma «Seks u vialikim horadzie»
Adsutnaść hieraini Ketrał u papiarednich sieryjach tłumačać jaje pierajezdam u Łondan.
Kim Ketrał, jakaja adsutničała ŭ adnoŭlenym kultavym sieryjale «Seks u vialikim horadzie», pahadziłasia syhrać u druhim siezonie sikvieła «I prosta tak», piša Bi-bi-si.
Jana źjavicca tolki ŭ adnoj scenie finału sieryjała, jaki zdymaje HBO.
Taksama stała viadoma, što jana pramović svaju častku dyjałohu ŭ kadry ŭ adsutnaść inšych zorak sieryjała, u tym liku i Sary Džesiki Parkier.
Adsutnaść hieraini Ketrał u papiarednich sieryjach tłumačać jaje pierajezdam u Łondan.
U aryhinalnym sieryjale «Seks u vialikim horadzie» było šeść siezonaŭ, jakija tranślavalisia z 1998 pa 2004 hod. Paśla da jaho dadalisia dva praciahi.
Asnoŭnaja siužetnaja linija — žyćcio, praca i stasunki čatyroch žančyn u Ńju-Jorku ŭ 1990-ch i pačatku 2000-ch hadoŭ.
Usie čatyry piersanažy — Kery, Samanta, Miranda i Šarłota, jakich syhrali Sara Džesika Parkier, Kim Ketrał, Sincija Niksan i Kryścin Devis, — stali zorkami.
Usie jany, akramia Ketrał, znoŭ źjavilisia na ekranach u 2021 hodzie ŭ praciahu sieryjała pad nazvaj «I prosta tak».
Aficyjnaha tłumačeńnia, čamu Ketrał nie źjaviłasia ŭ sikviele, nie było. Adnak kazali pra jaje naciahnutyja adnosiny ź inšymi hierainiami i samim šou.
U intervju Pirsu Morhanu ŭ 2017 hodzie Kim zajaviła, što jany «nikoli nie byli siabrami».
Jana apisała svaje adnosiny ź imi jak «taksičnyja» i vyklučyła svajo źjaŭleńnie ŭ trecim praciahu «Seksu ŭ vialikim horadzie», adkinuŭšy zdahadki ab tym, što heta adbyłosia praź jaje niaŭdałyja pieramovy ab hanarary.
Jana taksama zajaviła, što Sara Džesika Parkier mahła b «pavodzić siabie lepš» u hetaj situacyi.
Raniej pradziusar praciahu Majkł Patryk Kinh zajaŭlaŭ, što jon nie ŭjaŭlaje, jak Ketrał moža viarnucca.
Ale, jak miarkujuć, jon moh źmianić svajo mierkavańnie paśla razmovy z kiraŭnikom HBO Kiejsi Błojs.
Druhi siezon «I prosta tak» pavinien vyjści na ekrany ŭ červieni. A sieryja, u jakoj syhrała Ketrał, źjavicca ŭ žniŭni.
Film «II» režysiorki Ułady Siańkovaj možna pahladzieć u anłajn-kinateatry biełaruskaha kino Vodblisk
«Anatomija padzieńnia»: film-pieramožca Kanskaha kinafiestyvalu daśleduje žyćcio pary, u jakim nie ŭsio tak adnaznačna
Takiešy Kitana suprać usich. Film «Kubi» («Šyja») — žorstkaja raźnia, u jakoj nichto nie varty spačuvańnia
Ciapier čytajuć
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii31
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie4343
Kamientary