Dziakujučy dapamozie partnioraŭ u ramkach kaalicyj Patriot i sučasnych źniščalnikaŭ budzie pakładzieny kaniec rasijskamu rakietnamu teroru, a taksama heta dazvolić nablizić mir. Pra heta zajaviŭ Uładzimir Zialenski na samicie Jeŭrapiejskaj palityčnaj supolnaści ŭ Małdovie, paviedamlaje «Jeŭrapiejskaja praŭda».
Zialenski nahadaŭ, što padčas siońniašniaj rasijskaj rakietnaj ataki na Kijeŭ zahinuli try čałavieki, u tym liku adno dzicia.
«Ciapier jość dva vyrašalnyja składniki: kaalicyja Patriot, jakaja pakładzie kaniec rasijskamu šantažu balistyčnymi rakietami, i kaalicyja sučasnych źniščalnikaŭ, jakija dakažuć, što teror suprać našych haradoŭ nie maje šancaŭ», — adznačyŭ Zialenski.
Pavodle jaho słoŭ, chutkaść farmiravańnia hetych kaalicyj «litaralna paskaraje mir».
Zialenski prybyŭ na samit Jeŭrapiejskaj palityčnaj supolnaści, jaki prachodzić u «zamku Mimi» ŭ vioscy Bulboaka. Pa prybyćci jon zajaviŭ, što na sustrečy budzie raźvivać «kaalicyju źniščalnikaŭ» i prapanuje «kaalicyju Patriot».
Brat biełaruskaj karalevy pryhažości trapiŭ u reanimacyju ŭ Azierbajdžanie4
Brat biełaruskaj karalevy pryhažości trapiŭ u reanimacyju ŭ Azierbajdžanie
Małady biełarus nie chacieŭ siadzieć u Rasii za narkotyki, tamu prydumaŭ, jak chutka vyjści z kałonii — i vyjšaŭ na ŭkrainskija pazicyi pad Pakroŭskam44
Kamientary